Foto: polisia.kz
«Olar tıisti oqytý sabaqtaryn jáne kólik basqarýyn tájirıbe júzinde teksermesten, aqshalaı syıaqy úshin júrgizýshi kýálikterin zańsyz berýmen uzaq ýaqyt boıy aınalysqan. Qylmystyq shemaǵa HQKO qyzmetkerleri jáne joǵaryda atalǵan óńirlerden júrgizýshi kýáligin alǵysy keletin klıentterdi izdeýmen aınalysqan «kómekshiler» kirgen. Qujattar Taraz qalasynyń halyqqa qyzmet kórsetý ortalyqtarynda rásimdelip, berilgen. Osy jyly 12 aqpanda joǵaryda atalǵan óńirlerde kúdiktilerdiń jumys oryndary men turǵylyqty jerleri boıynsha ustaý jáne tergeý is-sharalary júrgizildi. Onyń ishinde halyqqa qyzmet kórsetý ortalyqtarynyń basshylary men laýazymdy adamdary ustaldy», delingen aqparatta.
Tergeý áreketi júrgizilip, júrgizýshi kýáligin zańsyz berýdiń 35 deregi anyqtalǵan. Qylmystyq shemany uıymdastyrýshylar jáne ony júzege asyrýshylar ýaqytsha ustaý ızolıatoryna qamaldy.
