Bishkekte «Nazarbaev Zııatkerlik mektepteri» derbes bilim berý uıymy Pedagogıkalyq sheberlik ortalyǵynyń muǵalimderdi kásibı damytý boıynsha halyqaralyq jobasyn ótkizdi. Aýqymdy yntymaqtastyqtyń basty qorytyndysy Qyrǵyzstanda otandyq ortalyqtyń bólimshesin ashý týraly usynysy boldy. Elimizden barǵan sheberlik ortalyǵynyń partasyna Jalal-Abad, Shý, Talas, Osh, Batken, Ystyqkól oblystarynan jáne el astanasynan kelgen ustazdar otyrdy. «Sapat» halyqaralyq jelisiniń, Shyńǵys Aıtmatov atyndaǵy jáne «Aıchúrók» lıseıleri, «United World» jáne basqa da tanymal mektepterdiń ókilderi jańa bilimdi meńgerdi.
Qyrǵyzstandaǵy muǵalimderge arnalǵan sabaq kestesinde búgingi tańdaǵy zamanaýı bilim berýdegi ózekti taqyryptar engizilgen. Olardyń kópshiligi pedagogıkalyq tájirıbede suranysqa ıe zertteý taqyryby – «Lesson Study jáne Action Research».
– Qyrǵyz muǵalimderiniń úlken toby úshin osy jyl jańa bilimmen jáne jańa dostarmen bastaldy, biz ózimiz úshin «Lesson Study jáne Action Research» ádisin jańadan ashtyq. Ony endi Qyrǵyzstanda mindetti túrde júzege asyramyz, – deıdi «Sapat» halyqaralyq bilim berý jelisiniń vıse-prezıdenti Raına Asakeeva.
Pedagogıkalyq sheberlik ortalyǵynyń halyqaralyq jobasy muǵalimniń zertteý qyzmetin kemeldendirýge baǵyttalǵan. Is-sharaǵa «WALS» prezıdenti jáne qurmetti bas hatshysy Ketrın Lıýıs pen Pıter Dadlı AQSh pen Ulybrıtanııadan onlaın qosyldy. Poster sessııasy tabysty oqý jáne perspektıvalar týraly shyǵarmashylyq esep ispetti boldy.
– Bizdiń senimdi dosymyz sanalatyn Pedagogıkalyq sheberlik ortalyǵynyń arqasynda postkeńestik keńistikte alǵash ret «WALS» konferensııasy ótetini – biz úshin úlken maqtanysh, – dep moıyndady Qyrǵyzstandaǵy «Aqylman» Prezıdenttik lıseıiniń dırektory Emıl Rysqulov.
Ortalyq tarıhynda alǵash ret muǵalimderge arnalǵan sabaqtar aǵylshyn, qazaq, qyrǵyz, orys tilderinde ótti. Oqýdyń alǵashqy kúninen bastap tájirıbeli tálimgerler Raýshan Ábisheva, Elvıra Rahmaıl, Qyzjibek Abdramanova qyrǵyz áriptesteriniń kásibı shyńdalýyna joǵary talaptar qoıdy. «Ár topta olar «WALS» qaýymdastyǵynyń strategııalyq basymdyqtary men 2024 jyldyń qyrkúıeginde Astanada ótetin halyqaralyq konferensııanyń ótý barysymen tanystyrdy», dep atap ótti Pedagogıkalyq sheberlik ortalyǵynyń joba jetekshisi Ardaq Zakarıanova. Halyqaralyq jobanyń negizgi nátıjeleri qyrǵyz muǵalimderiniń jahandyq tendensııalar, álemdik bilim berýdiń quraldary men tájirıbesin zertteýge degen úlken suranysyn rastady.
– Búginde qyrǵyzstandyq pedagogter ǵylymı-zertteý qyzmetin keńeıtýge jáne kásibı biliktiligin júıeli arttyrýǵa baǵyttalǵan aýqymdy oqytýdy jalǵastyrýǵa múddeli, – dep atap ótti Pedagogıkalyq sheberlik ortalyǵynyń dırektory Janbota Kabdykarımova.
Pedagogıkalyq sheberlik ortalyǵy qyrǵyzstandyq áriptestermen birneshe jyldan beri tabysty jumys istep keledi. Astanaǵa oqýǵa birinshi bolyp «Bilimkana» halyqaralyq júıesiniń eń bedeldi muǵalimderi keldi. О́tken jyldyń jeltoqsan aıynda Qyrǵyzstannyń úlken delegasııasy Nazarbaev Zııatkerlik mektepteriniń júıesimen egjeı-tegjeı tanysý jáne birinshi halyqaralyq «Bilim berýdegi kóshbasshy baǵdary» basqarý ıntensıvine qatysýǵa Qazaqstanǵa arnaıy ushyp kelgen edi. Olardyń qatarynda ataqty «Sapat», «Kreatıv – Taalım», «Global school» mektepteriniń, «Aıchúrók» áıelder lıseıiniń, sondaı-aq Sálimbekov ýnıversıtetiniń ókilderi bar. Eki el birligi arqasynda bilim salasyna úlken serpilis qosqaly otyr.
