Foto: Qazaqstan fýtbol federasııasy
Magomed Adıev fýtboldan Qazaqstan ulttyq quramasynyń tizginin 2022 jyldyń sáýir aıynda ustaǵan edi. 2 jylǵa jýyq ulttyq quramany jattyqtyrǵan bapker, buǵan deıin Reseıdiń «Ahmat», «Anjı» jáne taǵy basqa klýbtarymen jumys istegen.
«Maǵan reseılik klýbtardan usynystar boldy, qazir de usynystar toqtaǵan joq. Biraq men Qazaqstan quramasymen bastaǵan sıkldi aıaqtaýym kerek. Aldaǵy sheshýshi oıyndarǵa atsalysamyn, nátıjesinde naqty sheshimge kelemin.
Árıne, jaqyn arada Reseıge oralýym múmkin ekenin moıyndaımyn. Biraq ol jaqta qyzmet etý meniń armanym dep te aıta almaımyn. Men qaı kezde de naqty áreket etemin. Qazir Qazaqstan quramasynda barlyq oıynshyǵa tolyq kóńilim tolady. Bul komanda maǵan kóp nárse berdi, men de olarǵa birdeńe bere aldym dep úmittenemin. Qazirgi ýaqytta bar oıym aldaǵy oıyndarda», dedi M.Adıev.
