Foto: depositphotos
Ulttyq ekonomıka mınıstriligine mobıldi aýdarymdar men belgili mólsher sheginde tulǵalardy kásipker dep taný máselesin qaıta qaraý tapsyryldy.
«Bul ózekti jaǵdaı. Biz qarjylyq-ekonomıkalyq bloktyń ishinde bul máseleni qarastyramyz. О́lshem sharttaryn, tetikterin áli de egjeı-tegjeıli qaraımyz. Bul suraqqa qaıta oralamyz», dedi Nurlan Baıbazarov.
Alaıda mınıstr mobıldi aýdarymdardy tekserýdi túbegeıli toqtatý týraly sheshim qaıta qaralmaıtynyn málimdedi.
«Mobıldi aýdarymdar qalady. Biraq áli qaıta qaraıtyn tustar bar. Jeke kásipkerdi anyqtaýǵa kelsek, biz quqyqtyq memleketpiz. Ádiletti memleketpiz, durys pa? Siz ben biz osy zańnyń saqtalýyn qaraýymyz kerek. Bireýler zańdy salyqty tóleıdi, bireýler tólemeıdi. Ádildik bolý kerek. Iаǵnı, bári salyq tóleý kerek. Biraq árkimniń óz mólsheri bolatyny túsinikti. Sondyqtan biz túrli rejımderdi qarastyryp jatyrmyz. Osy rejımder arqyly salyq júıesi qalaı jumys isteıtinin oılastyrýdamyz. Bul bárin bir arnaǵa tyqsyryp tastaý degen sóz emes», dedi mınıstr.
