Úzdikter kóshin Jánibek Álimhanuly bastap tur. 15 jekpe-jeginiń barlyǵynda jeńiske jetip, 10 qarsylasyn esinen tandyrǵan 30 jastaǵy qazaqtyń uly qazirgi kezde WBO men IBF nusqalary boıynsha álem chempıony atanyp otyr. «Qazaq Style» degen janama esimdi tańdaǵan qandasymyzdy domınıkandyq Karlos Adames pen kýbalyq Erıslandı Lara ókshelep keledi. Ekeýi de óte qarýly jigitter: Adames (23 jeńis, 18 nokaýt, 1 jeńilis) – WBC-tyń ýaqytsha chempıony, Lara (29 jeńis, 17 nokaýt, 3 jeńilis, 3 teń esep) – WBA-nyń turaqty chempıony. Tórtinshi satyǵa Ulybrıtanııanyń marqasqasy Krıs Iýbenk (33 jeńis, 24 nokaýt, 3 jeńilis) jaıǵasty. Úzdik bestikti Meıirim Nursultanov túıindep tur. Jánibekpen túıdeı qurdas Semeı óńiriniń týmasy 19 ret rıngke kóterilip, barlyq básekede basymdyq tanytty. 10 aıqasty merziminen buryn aıaqtady. Meıirimniń chempıondyq táj úshin talasatyn ýaqyty keldi. Osy jyldyń sońynda nemese kelesi jyldyń basynda Nursultanov sondaı múmkindikke ıe bolýǵa tıis.
