Qatardyń astanasynda WTA-1000 básekesi bastaldy. Júlde qory 3 211 715 dollardy quraǵan dodany Rybakına ekinshi aınalymnan bastady. Tusaýkeser kezdesýde ol qytaılyq Lý Chjınmen (№57) kezdesip, 6:2, 6:1 esebimen ony oısyrata utty. Elena endi 1/8 fınalda amerıkalyq Emma Navarromen (№23) sheberlik baıqasady. Erler arasyndaǵy Qazaqstannyń birinshi raketasy Aleksandr Býblık (№ 23) Nıderlandtyń Rotterdamyndaǵy týrnırdiń ekinshi aınalymyna shyqty. Bastapqy kezeńde ol horvatııalyq Borna Chorıchke (№ 31) shań qaptyrdy – 6:3, 6:4. Kelesi aınalymda Býblık kanadalyq Mılosh Raonıchpen (№ 309) kúsh synasady.
Al ATR reıtınginde 339-orynda turǵan Qazaqstannyń tennısshisi Dmıtrıı Popko AQSh-tyń Sanraız qalasynda ótken ITF týrnıriniń jeńimpazy atandy. Sol jarysta ol domınıkandyq Djýnıor Tavarez ben Pıter Bertran, amerıkalyq Henrık Vırsholm, Aksel Nefved jáne Aleks Rybakovtan aılasyn asyrdy.
