Danııada jergilikti «Kopengagen» men Anglııanyń «Manchester Sıtıi» kezdesti. 10-mınýtta Kevın de Brıýıne esep ashsa, 34-mınýtta Magnýs Mattson tarazy basyn teńestirdi. Komandalardyń úziliske shyǵýyna sanaýly sekýndtar qalǵanda Bernardý Sılva aǵylshyndardy alǵa shyǵardy. Ekinshi kezeńde de basymdyq Hosep Gvardıolanyń komandasynda boldy. Desek te 45 mınýt boıy olar alań ıeleriniń qaqpasyn dál kózdeı almady. Danııalyqtardyń da sırek shabýyldary esh nátıje bermedi. Báseke aıaqtalar tusta Fıl Foden úshinshi dopty torda toǵytty. Sol mezette tóreshiniń ysqyryǵy da estildi. Esep – 1:3.
Germanııadaǵy match bastalǵan bette «Leıpsıgtiń» shabýylshysy Benıamın Sheshko Madrıdtiń «Realynyń» qaqpasyn dál kózdedi. Biraq offsaıd bolǵany anyqtaldy. Esep tek 48-mınýtta ashyldy. Qonaqtardyń qorǵanys shebinen sytylyp shyqqan koroldik klýbtyń jartylaı qorǵaýshysy Braım Dıas nysanany dál kózdedi – 0:1. Bul esep oıynnyń sońyna deıin saqtaldy.
