Foto: vıdeoskrın
«Belgisiz er adam 4 kishkentaı balany baılap, uryp-soǵyp, azaptap, pyshaqtaǵan, ony ustaý sharalary júrgizilip jatyr», degen jazba jurttyń úreıin ushyrdy.
Osyǵan baılanysty Almaty oblystyq polısııa departamentiniń bastyǵy Baýyrjan Álenov kúdiktiniń qolǵa túskeni týraly habarlady.
«Kámeletke tolmaǵan balalarǵa shabýyl jasaǵan kúdikti qamaýǵa alyndy. Qazirgi ýaqytta ol aýdandyq polısııanyń ýaqytsha ustaý ızolıatorynda otyr, tergeý áreketteri júrgizilip jatyr. Aıta keteıik, kúdikti Almaty oblysy, Qarasaı aýdanynda ustaldy. Tergeý barysy meniń jeke baqylaýyma alyndy. О́zge aqparat Qazaqstan Respýblıkasy qylmystyq-prosessýaldyq kodeksiniń 201-babynyń erejelerine sáıkes jarııa etýge jatpaıdy», dedi ol.
Oblystyq densaýlyq saqtaý basqarmasynyń ókilderine habarlasyp, kúdiktiniń qolynan japa shekken balalardyń densaýlyǵy týraly bilgen edik.
«Jambyl aýdandyq ortalyq aýrýhanasynyń qabyldaý bólimine 15.02.2024 jyly saǵat keshki 19.40 shamasynda jedel járdem brıgadasy 4 balany jetkizdi. 12 men 13 jas aralyǵyndaǵy eki balada jumsaq tinderdiń kógerýi anyqtaldy. Barlyq medısınalyq tekserýlerden ótkennen keıin olar ambýlatorııalyq emdelýge jiberildi.
10 jasar balany hırýrg pen travmatolog dárigerler tekserip, dene jaraqatyn almaǵanyn anyqtady.
8 jasar balany Jambyl aýdandyq ortalyq aýrýhanadan tekserýden ótkizgennen keıin Almaty oblystyq balalar klınıkalyq aýrýhanasyna jiberip, mamandar tekserip, stasıonarǵa jatqyzdy. Balada jumsaq tinderdiń kógerýi, teri astyndaǵy gematomalar, bet aımaǵynda, kózdiń aınalasynda jáne moıynda jaraqat izderi bar. Em alyp jatyr», degen jaýap aldyq.
Al Almaty oblysy boıynsha Bala quqyǵy jónindegi ýákil Aıgúl Esimbekova kúdiktiniń qolynan qorlyq kórgen 4 balanyń biri aýrýhanaǵa jatqyzylsa, qalǵan 3-ýi analarynyń janynda ekendigin, olarmen mektep psıhologtary jumys istep jatqandyǵyn aıtty.
Almaty oblysy
