Foto: 2gis.kz
2013 jyly «Qazaqstan» shıpajaıynyń dırektory nysannyń barlyq múlkin kepilge qoıyp, tabystylyǵyn jasandy túrde arttyryp, ǵımarattardy jóndeýge 2,6 mıllıard teńge nesıe alǵan. Shıpajaıdyń dırektory men basqa da tulǵalar 2021 jyly 700 mıllıon teńgeden astam qarjy jymqyrǵany úshin árqaısysy bas bostandyǵynan aıyryldy.
«Nesıe berý kezinde bank shıpajaıdyń tólem qabilettiligine taldaý jasamaǵany anyqtaldy. 2022 jyly sot 3 mlrd teńge óndirip aldy. Almaty prokýratýrasynyń apellıasııalyq shaǵymy negizinde sheshim shyǵaryldy. Birinshi satydaǵy sottyń quramy ózgertilip, bul soma 1,8 mlrd teńgege deıin qysqartyldy», delingen habarlamada.
12 jeltoqsandaǵy Almaty qalalyq IIM sheshimimen prokýrordyń talap aryzy qanaǵattandyryldy. Osylaısha, prokýratýranyń sharalarymen quny 7 mıllıard teńgeden asatyn memlekettik shıpajaı zańsyz kepilden shyǵarylyp, onyń qaryzy 1,2 mıllıard teńgege qysqartyldy.
