Foto: spb.mk.ru
Zań jobalaryna zorlyq-zombylyqqa, basqa da qatygezdikke nemese adamnyń ar-namysyn qorlaýǵa jol bermeý maqsatynda birqatar norma qosyldy.
«Birinshiden, densaýlyqqa jeńil zııan keltirgeni úshin 200 AEK deıin aıyppul túrindegi jaza ne 200 saǵatqa deıin qoǵamdyq jumystarǵa tartý nemese 50 táýlikke deıin qamaýǵa alý, uryp-soqqany úshin 80 AEK-ke deıin aıyppul ne 80 saǵatqa deıin qoǵamdyq jumystarǵa tartý nemese 25 táýlikke deıin qamaýǵa alý», dep habarlady Májilistiń baspasóz qyzmeti.
Jańadan engizilgen normalar negizinde kámeletke tolmaǵan ne dármensiz kúıdegi adamdy azaptaý, densaýlyǵyna aýyr jáne ortasha zııan keltirgeni úshin jazanyń «bas bostandyǵyn shekteýge» qatysty balama túri alynyp tastalyp, tek bas bostandyǵynan aıyrý jazasy taǵaıyndalmaq.
Jas balany óltirgeni nemese pedofılııa úshin «ómir boıy bas bostandyǵynan aıyrý» jazasy qoldanylady.
Depýtattar pedofılder men jas balany óltirgen qaskóıdi qylmystyq jazaǵa tartý tetigin qatańdatý máselesin biraýyzdan qoldady. Nátıjesinde, endi balalarǵa zorlyq-zombylyq kórsetken qylmysker men olardy óltirgender ómir boıy bas bostandyǵynan aıyrylady.
Zań jobasyn talqylaǵandar kámeletke tolmaǵandarǵa qatysty nemese otbasynda ákimshilik, qylmystyq quqyq buzýshylyq jasaǵan adamdardyń minez-qulqyna erekshe talaptar qoldaný týraly is-sharalardy da ortaǵa saldy. Atap aıtqanda, qamaýda otyrǵan qylmyskerge sot sheshimi boıynsha psıhologııalyq kómek kórsetilýi múmkin.
