Foto: Astana qalalyq ákimdigi
Qujatqa sáıkes qoǵamdyq kólikte júrý baǵasy 90 teńgeden 110 teńgege qymbattamaq.
Qalalyq marshrýtta júrý úshin 90 teńgelik tarıf keıingi ret 2014 jyldyń qyrkúıek aıynda bekitilgen edi.
Eskeretini, Astanada jáne qala mańynda oqıtyn 18 jasqa deıingi balalar úshin qoǵamdyq kólikte jol júrý 2020 jylǵy naýryzdan bastap tegin. Tek osy sanattaǵy jolaýshylarda mekteptiń kólik kartasy bolýy kerek. Olar kartany avtobýsqa mingende valıdasııa jasaýy mindetti.
«Sondaı-aq kelesi sanattarǵa jatatyn azamattar da bul jeńildikke ıe:
1) Uly Otan soǵysynyń qatysýshylary men múgedekteri jáne olarǵa teńestirilgen adamdar;
2) jasy jáne eńbek etken jyldary boıynsha zeınetke shyqqandar, sondaı-aq jasy boıynsha jáne asyraýshysynan aıyrylý jaǵdaıy boıynsha zeınetkerlik jasqa tolǵan memlekettik áleýmettik járdemaqy alýshylar;
3) kópbalaly analar;
4) kópbalaly otbasylar;
5) múgedekter;
6) on segiz jasqa deıingi múgedek balalar, onyń ishinde ata-analarynyń biri (zańdy ókilderi).
7) «Jappaı saıası qýǵyn-súrgin qurbandaryn ońaltý týraly» Qazaqstan Respýblıkasynyń zańynda belgilengen tártippen aqtalǵan 1986 jylǵy 17-18 jeltoqsandaǵy Qazaqstandaǵy oqıǵalarǵa qatysýshylar qatarynan saıası qýǵyn-súrgin qurbandary», delingen qalalyq ákimdiktiń habarlamasynda.
