Ortalyq qurylysynyń ınvestory anyqtaldy

2024 jylǵy 7 aqpanda Túrkistan oblysynyń ákim­digi ótkizgen konkýrstyń qo­ry­tyndysy boıynsha «Orta­lyq Azııa» halyqaralyq óner­kásiptik kooperasııa orta­lyǵy qurylysynyń negizgi ınves­tory «TCL Gr.» JShS boldy. Indýstrııalyq aımaq­ty bas­qarýǵa berý úshin ın­vestor­dyń jáne Túrkistan oblysy ákim­diginiń qatysýymen zańdy tulǵa qurý rásimderi bastaldy.

Otyrysta Qazaqstan men О́zbekstan shekarasynda hab salý jónindegi jobany iske asyrý máselelerinde belsendi ilgerileý baıqaldy. Máselen, 2024 jylǵy 15 aqpanda Syrdarııa oblysynda taraptar «Ortalyq Azııa» halyqaralyq ónerkásiptik koo­perasııa ortalyǵyn qurýdy jedeldetý jaıyn, damý josparlaryn, ınfraqurylymdy jáne habty toltyrýdy talqylady. Investor Túrkistan oblysynyń ákimdigimen birlesip ónerkásip kooperasııasy ortalyǵyn damytý tujyrymdamasyn ázirledi. Nysannyń qurylysyn bıyl bastaý josparlanyp otyr. HShYO shekara mańyndaǵy aýmaqta Qazaqstan tarapynan «Atameken» jáne О́zbekstan tarapynan «Gúlstan» halyqaralyq ótkizý beketteri aýdanynda salynady.

Sondaı-aq «TCL Gr.» ózbek­standyq «Global Textile» kom­panııa­symen yntymaqtastyq týraly memorandým jasasty. Bul – daıyn toqyma ónimderin óndirýge baǵyttalǵan HShYO-nyń al­ǵashqy ınvestısııalyq jobasy. Kezdesý qorytyndysy boıynsha Qazaqstan men О́zbek­stannyń kórshiles oblystary ákimderiniń orynbasarlary ónerkásip kooperasııasy ortaly­ǵyn jedel qurý jónindegi Jol kartasyna qol qoıdy.

Kaspıı torabynyń qury­lysyna erekshe nazar aýda­ryldy. Atap aıtqanda, «Sarja» kópfýnksıonaldy teńiz termınaly salynyp jatqan Quryq portynda teńiz túbin tereńdetý jumystaryn júrgizý kezinde týyndaǵan problemalarǵa nazar aýdaryldy. Bul is-shara­lar Kaspıı teńizi deńgeıi­niń tómendeýine baılanys­ty júrgizilip jatyr, sondaı-aq ishki akvatorııada júzý qaýipsizdigin qam­tamasyz etý jáne jańa aılaq­tar salý úshin qajet. Jumystar saýda maqsatynda teńizde júzýdiń ekonomıkalyq tıim­diligine, Qazaqstannyń eks­port­tyq-ımporttyq jáne tran­zıt­tik áleýetine tikeleı áser etedi.

Keńeske qatysýshylar tereń­detý jumystaryn tezirek bastaý úshin barlyq qajetti rásimdi jedeldetýge kelisti.

Sonymen qatar jedel shtab otyrysynda basqa shekara mańy habtarynyń, atap aıtqan­da, «Eýrazııa» transshekara­lyq saý­da ortalyǵy, «Ala­taý» ın­dýs­t­rııalyq, saýda-logıstı­ka­lyq ortalyǵy, Qorǵas tora­by jáne «Kóljat» qurǵaq por­­ty qu­ryly­synyń barysy tyńdaldy.