Foto: akorda.kz
Jıyn barysynda Ulttyq qaýipsizdik strategııasyn júzege asyrýǵa baǵyttalǵan negizgi ádis-tásilderdi jandandyrý máseleleri qarastyryldy. Memleket basshysy álemde qalyptasqan kúrdeli geosaıası ahýal jaǵdaıynda talqylanyp otyrǵan problematıka Qazaqstannyń ekonomıkalyq jáne áskerı áleýetin nyǵaıtý turǵysynan zor mánge ıe ekenin atap ótti.
Budan bólek, Premer-mınıstrdiń orynbasary – Ulttyq ekonomıka mınıstri Nurlan Baıbazarov baıandama jasady. Sonymen qatar birqatar salalyq memlekettik organnyń basshylary málimet berdi.
Qasym-Jomart Toqaev ulttyq qaýipsizdikke qaýip tóndiretin negizgi syn-qaterlerge obektıvti taldaý jasap, olardyń aldyn alý sharalaryn ázirleý qajettigin aıtty.
Prezıdent azamattardyń jáne tutas memlekettiń qaýipsizdigi Úkimet pen barlyq vedomstvo qyzmetiniń basym baǵyty retinde árdaıym erekshe nazarda bolýǵa tıis ekenin atap ótti.
Qaýipsizdik Keńesi otyrysynyń qorytyndysy boıynsha ulttyq múddeni qorǵaý jáne ulttyq qaýipsizdikke tónetin qaterlerdi basqarý júıesiniń tıimdiligin arttyrýǵa baǵyttalǵan birqatar sheshim qabyldandy.
