Integrasııalyq úderis kúsheıtiledi

Zań Eýrazııalyq ekonomıkalyq komıs­sııanyń Tehnıkalyq retteý, sanı­tarlyq sharalar, tutynýshylardyń quqyq­taryn qorǵaý jáne Eýrazııalyq ekono­mıkalyq ko­mıs­sııa týraly erejege óz­gerister engizý máseleleri jónin­degi qoldanystaǵy ere­je­lerdegi olqylyq­tardy joıýǵa baǵyt­talǵan. Qujat boıynsha múshe memleket ka­ran­tındik obektilerdiń biryńǵaı tizbesine engizil­megen zııandy tetikterge qatys­ty shuǵyl fıto­sanı­tarııalyq shara­lar­dy engize alady. Bul rette múshe mem­le­ket bul týraly komıssııany, EAEO-nyń bas­qa mem­leketterin habardar etip, shara­ny kedendik aýmaqqa engizý týraly usynys beredi.

Hattamaǵa sáıkes komıssııa múshe memlekettermen birlesip, tutynýshylardyń quqyqtaryn qorǵaý baǵdarlamasyn ázir­leıdi jáne onyń iske asýyna qatys­ty mon­ı­torıngti júzege asyrady. Sondaı-aq memlekettik satyp alýǵa qatysýǵa ońaıla­tyl­ǵan túrde qol jetkizý úshin ulttyq elektrondyq sıfrlyq qoltańbalardy ózara taný qaǵıdalary bekitiledi. Oǵan qosa taýarlardy ákelý jáne áketý kezinde ruqsat alý úderisin ońaılatý kózdelip otyr.

Senatorlardyń aıtýynsha, hattamany ratıfıkasııalaý Eýrazııalyq ekono­mıkalyq odaq aıasyndaǵy ıntegrasııalyq úderisterdi odan ári nyǵaıtýǵa yqpal etedi. Komıtet músheleri talqylaý nátıjesinde zańdy Palata otyrysynda qaraý týraly sheshim qabyldady.