Foto: Ashyq derekkóz
Is-sharany Ál-Farabı atyndaǵy QazUÝ QR BUU Aqparattyq bıýrosy — QR BUU Jahandyq kommýnıkasııa departamentiniń ókildigi jáne Pan Gı Mýn atyndaǵy Turaqty damý ınstıtýtymen seriktestikte uıymdastyrdy. Dóńgelek ústelge Qazaqstan, О́zbekstan, Qyrǵyzstan, Slovakııa, Germanııa jáne Fransııa ýnıversıtetteriniń oqytýshylary, stýdentteri, magıstrleri men doktoranttary qatysty. Ǵylymı is-sharanyń maqsaty – BUU-nyń Ortalyq Azııadaǵy ornyqty damýy múddesinde ǵylymnyń halyqaralyq onjyldyǵy mindetteriniń mańyzdylyǵyna nazar aýdarý.
Ǵalymdar BUU turaqty damý maqsatynda ýnıversıtettiń ǵylymı zertteýlerin ilgeriletýde jahandyq kommýnıkasııamen baılanystyrý, ǵylymı modeldi ózgertýge baǵyttalǵan Turaqty damý úshin ǵylymı mıssııalardyń jol kartasyn júzege asyrý múmkindikterin talqylady. Sondaı-aq olar qazirgi kezde jahandaný úrdisinde Turaqty damý maqsattary fokýsyndaǵy kommýnıkasııalar men qoǵammen baılanystyń tıimdiligi, aqparattyń qoljetimdiligi men tıimdiligi máselelerin kópshilikke usyndy.
«Biz búgin eń ózekti taqyryptardy talqylaý úshin bas qosyp otyrmyz. Birikken Ulttar Uıymynyń Bas Assambleıasy 2024–2033 jyldardy «Turaqty damýdyń halyqaralyq onjyldyǵy (IDSSD)» dep jarııalady. Álemdegi jańa qaýip-qaterleri men syn-qaterlerdiń aldyn alý úshin aqparattyq tutastyqtyń bolýy asa mańyzdy. Bul máselede zamanymyzdyń kúrdeli máselelerin sheshý úshin ǵylymı pánder men bilim formalary arqyly kúsh biriktirý qajet. Osy oraıda ál-Farabı atyndaǵy Qazaq ulttyq ýnıversıteti BUU-nyń Turaqty damý jónindegi «Akademııalyq yqpal» baǵdarlamasy (UNAI) Jahandyq haby retindegi rólin erekshe atap ótkim keledi», dedi BUU Jahandyq kommýnıkasııalar departamentiniń ókili Vlastımıl Samek.
