Qurbylar qosymsha oılap tapty

Qazaqsha úırenip, tildi tereń tanyǵysy kelgenderge arnalǵan bul qosymshada ulttyń uly tul­ǵalarynyń qanatty sózderi, el arasynda keń qoldanys tapqan maqal-mátelder jáne turaqty tirkester bar. Qosymsha oılap tapqan qos qurby áýelgi bólimde sózderdi avtorlary boıynsha jiktep, maqal-mátelderdi  taqy­rypqa bólgen. «Turaqty tir­kester» bólimindegi sózder álippe rettiligimen ornalasyp, ár sózdiń orys, aǵylshyn tilin­degi aýdarmasy men aýdıo jaz­basy qosa usynylyp otyr. Joba jetekshisi osy mekteptiń ınformatıka páni muǵalimi Ádiljan Naýan. Qosymsha avtorlary joba arqyly qoǵamda qazaq tiliniń mártebesin kóterip, onyń qoldaný aıasyn keńeıtýdi kózdegenin aıtady.

«Mysaly, bizdiń qatarlasta­ry­myzdyń kópshiligi turaqty tirkesterdiń, maqal-mátelderdiń maǵynasyn túsine bermeıdi. Al olar janynan tastamaıtyn uıaly telefondaǵy qosymsha kúndelikti ómirde qoldanatyn sózdik qorymyzǵa túrli turaq­ty tirkesterdi, qanatty sózder­di engizýdiń tıimdi jolyn usyna­dy. Joba qazaq tiline tereń lıngvıstıkalyq taldaý júrgizip, sonymen qatar olardyń mán-maǵynasyn, qoldaný aıasyn zerttep qoldanýshyǵa tildi tereńirek meńgerýge múmkindik beredi», deıdi avtorlar.

Qazir qosymshadaǵy derek qo­ry tolyqtyrylyp jatyr. Ja­qynda «Naqyl söz»-di árkim óz smartfonyna Play Market, AppStore elektrondy dúken­der arqyly júkteı alady. Byltyr ǵylymı jobalar baıqaýynda jeńimpaz atanǵan qosymsha­nyń demo nusqasyn alǵash osy mektep oqýshylary paıdalanypty. 

Qos qurby jobany qolǵa alýdan buryn qazaq tilin úıre­nýge arnalǵan mobıldi qosymsha­lardy jete zerttegen eken. Kóp sózdiń mán-maǵynasyn uǵyna bermeıtin qatarlaryna kó­mek retinde bastalǵan joba til úırenip, halyq naqyldary arqyly sózdik qoryn baıytqysy keletinderdiń bárin qamtıdy.

Qyzylorda