foto: Astana qalalyq PD baspasóz qyzmeti
31 jastaǵy Reseı azamaty asa iri kólemde esirtki zattaryn óndirgeni, sondaı-aq aqparattyq-telekommýnıkasııalyq jelilerdi paıdalana otyryp satqany úshin izdeýde júrgeni anyqtaldy.
Ol 2019 jyldyń sońynan bastap reseılik eń iri «Hydra» darknet-marketiniń ınternet-platformasynda «Mr.SANDERS» degen atpen esirtki satatyn dúken qurǵan. Sóıtip esirtkini jasyryn oryndar arqyly taratyp otyrǵan. Oǵan qosa, Omby oblysynda jaldamaly páterlerde mefedron esirtki zatyn jappaı óndirgen.
Esirtki satýshy ózi jasaǵan dárihananyń terezesine jasyrynatyn oryndardyń sıpattamasyn júktep salǵan.
«Sıntetıka» satyp alýshylar tólemderdi «Hydra» shotyna aýdarý arqyly júzege asyrǵan. Sodan keıin qarajat avtomatty túrde «Mr.SANDERS» dúkenine tıesili krıptovalıýta bırjasynyń ámııanyna aýdarylǵan.
Ustalǵan azamatqa Reseı Federasııasy QK-niń 228-babyna sáıkes asa iri kólemde esirtkini zańsyz óndirý jáne satý boıynsha aıyp taǵylyp otyr. Atalǵan azamatty halyqaralyq izdeýge Reseıdiń Omby oblysy IIMB jarııalaǵan. Qazirgi ýaqytta aıyptalýshy ýaqytsha ustaý ızolıatoryna qamaldy, ekstradısııalaý máselesi sheshilip jatyr.
