Jańa logıstıkalyq termınal
Qytaıdyń Sıan qurǵaq portynda jańa kólik-logıstıkalyq termınal ashyldy. Bul – Qytaıdyń «Bir beldeý, bir jol» bastamasynyń sońǵy býyny, onda Qazaqstan jetekshi seriktes bolyp sanalady.
Termınalǵa Qazaqstannyń ulttyq temirjol kompanııasy «Qazaqstan temir joly» «Huawei» kompanııasymen birlesip qurǵan ınnovasııalyq ortalyq ta kiredi. Ortalyq – «Bir beldeý, bir jol» bastamasynyń jańa «Smart Railway» jobasynyń bir bóligi.
«Bul joba Transkaspıı halyqaralyq kólik dálizin damytýǵa jańa serpin bermek. Sondaı-aq Eýrazııadaǵy saýda-ekonomıka yntymaqtastyǵyn nyǵaıta túsedi dep sanaımyn», dep málimdedi Qazaqstan Prezıdenti Qasym-Jomart Toqaev.
Qytaıdyń eń iri Sıan qurǵaq porty Shensı qalasyn Ortalyq Azııa jáne Eýropamen baılanystyrady. Sıandaǵy qazaqstandyq termınaldyń ótkizý qabileti jylyna 66 500 TEU (jıyrma fýtqa teń) asady. Bul Qazaqstanǵa Eýrazııadaǵy úlken tranzıttik hab retindegi áleýetin budan da arttyrýǵa múmkindik beredi.
Biryńǵaı ýaqyt beldeýi engizildi
Kólemi jaǵynan Batys Eýropamen birdeı Qazaqstanda biryńǵaı ýaqyt beldeýin ornatý úshin kóptegen aımaq beısenbide tún ortasynda saǵatty bir saǵatqa keri qoıyp, osylaısha búkil el UTC+5 ýaqyt beldeýine aýysty.
Osy kúnge deıin bul ýaqyt beldeýinde eldiń tek batys aımaqtary ǵana bolsa, basqalary, sonyń ishinde Astana men Almaty sekildi iri qalalar bir saǵatqa alda boldy. Reseı jáne Qytaımen shektesetin Qazaqstan shyǵystan batysqa qaraı 3 myń shaqyrymǵa (shamamen 1900 mıl) sozylyp jatyr.
Qazaqstan tutynýshylary bankterden, uıaly baılanys operatorlarynan jáne basqa da qyzmet provaıderlerinen 1 naýryzda eldiń basym bóligi basqa ýaqyt beldeýine aýysatyndyqtan tehnıkalyq aqaýlar bolýy yqtımal degen habarlamalar aldy.
Byltyr 148 myń avtokólik shyǵaryldy
Keıingi birneshe jylda Qazaqstanda avtomobıl ónerkásibi aıtarlyqtaı ósti. Tek 2023 jyldyń ózinde elde 148 myńnan astam kólik shyǵaryldy, bul ótken jylmen salystyrǵanda 30 paıyzǵa kóp.
Bul – ósim eldiń ekonomıkasyn ártaraptandyrý saıasatynyń perspektıvaly nátıjeleriniń dáleli.
О́tken jyly ulttyq ekonomıka 5,1 paıyzǵa ósti. 2023 jyldyń alǵashqy 10 aıynda mashına jasaý salasy 27%-ǵa artty. Qazaqstannyń Ulttyq ekonomıka mınıstrliginiń habarlaýynsha, barlyq salanyń ishinde avtomobıl ónerkásibi osy kezeńde eń joǵary ósim 42%-dy kórsetti. Jańa óndiris oryndarynyń ashylýy salanyń qarqyndy damýyna aıtarlyqtaı yqpal etti.
Agroeksporttyq kelisimge qol jetkizildi
Qytaı qazaq etiniń ımportyna salynǵan tyıymdy alyp tastaýǵa kelisti. Alaıda Qazaqstan sheneýnikteri dıplomatııalyq eńbeginiń jemisin kórýi úshin biraz ýaqyt qajet bolýy múmkin, óıtkeni logıstıkalyq tar joldar shekara arqyly júk tasymalyna kedergi keltirip otyr.
Qazaqstan Aýyl sharýashylyǵy mınıstrliginiń málimetinshe, Qytaıdyń bul sheshimi qazaqstandyq qus etin, shoshqa jáne sıyr etin ımporttaýǵa qatysty. Aıta keteıik, qazaqstandyq qus ónimderin Qytaıǵa kirgizýge qatysty tyıym 2005 jyldan beri bar. Shoshqa men sıyr etine shekteýler 2022 jyly mal arasyndaǵy aýsyl indetinen keıin kúshine endi.
Qazaqstandyq ımport qaıta jandanýy múmkin, degenmen Qytaı sheneýnikteri ımporttyń qatań parametrlerin belgiledi. Qazir Qytaıǵa tek eki zaýyt 8 myń tonnaǵa deıin muzdatylǵan etti jónelte alady. Sheshimde et ımportyna arnalǵan kvotanyń merzimi kórsetilmegen. Qazaqstannyń Et odaǵynyń tóraǵasy Maqsut Baqtybaev Qazaqstannyń Qytaıda basqa jetkizýshilerdiń et ónimderine qatysty qatań básekelestikke tap bolǵany týraly aıtady. «Biz Úndistanmen jáne Brazılııamen básekelesýge májbúr bolamyz, olardyń ónimderi áldeqaıda arzan, óndiris shyǵyndary tómen jáne uzaq ýaqyttan beri aıaqqa nyq turǵan», deıdi M.Baqtybaev.
Qazaqstandyq et eksportynyń qaıta jandanýy 2023 jyly Qytaıǵa astyq jetkizýdiń artýyna baılanysty múmkin boldy.
