Mıkrojasyldardy ósirý jáne satý, zergerlik buıymdar jasaý jobalary, qyzmet kórsetý, óndiris, saýda, qoǵamdyq tamaqtandyrý jáne oıyn-saýyq salalaryndaǵy bıznes jobalary úlken qyzyǵýshylyq týdyrdy.
Oqýshylar «Kádesyı saǵattar jasaý», «2-5 jas balalaryna arnalǵan damytýshy oıyndar», «Úı jaǵdaıynda tabıǵı shópten emdik sabyn daıyndaý», óz sýretińizben buıymdar jasaý úshin «kirart» ınternet-dúkenin ashý atty jobalaryn ortaǵa saldy. Baıqaý mektep oqýshylarynyń ómir súrý sapasyn damytýǵa baǵyttalǵan áleýmettik mańyzy bar bıznes jobalaryn anyqtaýǵa jáne odan ári damytýǵa yqpal etedi.Oblystyq kezeńniń qorytyndysy boıynsha «Bala business holiday» jas kásipker mektebinde oqıtyn jas kásipkerler komandasy qurylady. Qurylǵan komanda úshin oqytý baǵdarlamasy daıyndaldy, onda qatysýshylar bıznes-trenerlerden, jattyqtyrýshylardan trenıngter ótip, óńirdiń jetekshi bıznesmenderinen qoldaý ala alady. О́z Start-up-jobalaryn júzege asyrǵan stýdentter tartylady.
Meniń jobam «Mıkrojasyl ósimdikterdi ósirý» dep atalady. Árbir ósimdikte kóptegen dárýmender men paıdaly qasıetter bar. Ol ártúrli aýrýlarmen kúresý úshin qoldanylady. Mysaly, shalǵam as qorytý qabileti nashar adamdar úshin paıdaly, al shpınat holesterın deńgeıin tómendetedi. Eger siz óskinderinde qundy dárýmender bar bıdaı, suly, arpa ósiretin bolsańyz, gıdroponıkalyq ádispen úı janýarlaryna azyqpen qamtamasyz etkende shyǵyny az bolady, sonymen birge azyqtyq qýattylyq jaǵynan qundy bolady, - deıdi Bolat Mansur, Ertis aýdany, Uzynsý JOM-niń 7 synyp oqýshysy.
Joby uıymdastyrýshysy, ádisker - Aksana Frıktiń aıtýynsha, basty maqsat – kásipkerlik oılaýdy mektep qabyrǵasynan damytý.
Mektep oqýshylarynyń qyzyǵýshylyǵyn arttyrý úshin oqý úderisine tájirıbesi mol kásipkerlerdi tartý qajet. Bizdiń jobanyń jeńimpazdary «Kásipkerlik negizderin» oqyp, bıznesti uıymdastyrýdy úırenedi. Osy sátti paıdalanyp, kásipkerliktiń qyr-syryna qanyp, jańa bastaǵan kásipkerge qajet qasıetterdi alýǵa múmkindik bar, - deıdi ol.
