Foto: QR UQK baspasóz qyzmeti
Aqtaý qalasynyń halyqaralyq áýejaıynda bıylǵy jyldyń 21 aqpan kúni Mańǵystaý oblysy boıynsha UQKD jedel ýákilderimen shekarashylar ETD qyzmetkerlerimen ózara árekettese esirtki tasymaldaý kúdigi boıynsha eki sheteldik azamatty ustady.
«Rentgenoskopııalyq zertteý olardyń ish qýysynda bógde zattardyń baryn kórsetti. Arnaıy medısınalyq prosedýralarmen sheteldikterdiń azqazandarynan geroın jáne sıntetıkalyq esirtki bar 30-dan astam konteıner alyndy», dep habarlady vedomstvodan.
Alynǵan zattardyń jalpy salmaǵy shamamen 1 kg boldy. Sot sheshimimen fıgýranttardy qamaýda ustaý túrindegi bultartpaý sharasy tańdaldy. Qylmystyq kodekstiń 286-baby 4-bóligi boıynsha sotqa deıingi tergep-tekserý júrgizilip jatyr.
«О́zge aqparat Qylmystyq-prosestik kodekstiń 201-baby 1-bóligine sáıkes jarııa etilmeıdi», dep qosty vedomstvo ókilderi.
