Foto: csp_parasport.kz
csp_parasport.kz ınstagram paraqshasynyń málim etýinshe, fınalda ózin jaqsy kórsetip, ekinshi oryn alǵan Erkin Ǵabbasovtyń altyn medal alýyna 3 upaı ǵana jetpeı qaldy. Jarys jeńimpazy koreıalyq Djangho Lı-da Paralımpıada oıyndarynyń joldamasy bolǵandyqtan, ekinshi oryn alǵan Qazaqstan sportshysyna Parıj-2024 lısenzııasy tıesili.
Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń komanda basshysy Sultanbek Qabı: «Osymen bıylǵy Paralımpıada oıyndaryna 11 lısenzııamyz bar. Buǵan deıin voleıboldy otyryp oınaý quramasy, para kanoedan Spataı Bıbarys, para jeńil atletıkadan Dastan Muqashbekov, para paýerlıftıngten Davıd Degtıarev, para júzýden 3 sportshy, para taekvondodan Kamılıa Dosmalova, Nurlan Dombaev, Nyshan О́miráli alǵan edi. Endi mine para oq atýdan Erkin Ǵabbasov baıraqty dodaǵa joldama alyp otyr. Paralımpıada oıyndaryna deıin lısenzıat sportshylardyń sany áli artady dep senemin», dedi.
Aıta ketsek, para oq atýdan 49 elden 268 sportshy qatysyp jatqan WSPS álem kýbogy Úndistannyń bas shahary Nıý-Delıde 6 naýryz kúni bastalǵan, 15 naýryzda aıaqtalady.
