Foto: Astana qalasynyń ákimdigi
Qalalyq ákimdik dástúrli túrde ótetin aksııany elordalyqtar árdaıym qoldaıtynyn aıtty.
«Aksııa 23 naýryz kúni saǵat 20:30-dan 21.30-ǵa deıin ótedi. Qala turǵyndaryn ǵalamshardyń bolashaǵyna beı-jaı qaramaı, atalǵan ýaqytta jaryq pen turmystyq elektr quraldaryn óshirip, mańyzdy aksııaǵa atsalysýǵa shaqyramyz. «Jer saǵaty» – Dúnıejúzilik jabaıy tabıǵat qorynyń (WWF) qamqorlyǵymen jyl saıyn ótetin is-shara. Aksııaǵa álem boıynsha 2 mlrd-tan astam adam qatysady. Aksııanyń maqsaty – planetanyń tabıǵaty men resýrsyna jaýapkershilikpen qaraýǵa nazar aýdartý», delingen habarlamada.
Osy ýaqytta elordadaǵy memlekettik organdar, vedomstvolyq baǵynysty uıymdar, saýda-oıyn-saýyq ortalyqtary, iri sport keshenderi men bıznes ortalyqtarda jaryq sóndiriledi. Sebebi, ákimdik atalǵan oryndar aksııany qoldap otyrǵanyn málimdedi.
