Foto: A.Baıjumanov
Qujat ártúrli kólik túrlerin paıdalana otyryp halyqaralyq júk tasymalyn jeńildetýge, sondaı-aq eki el arasyndaǵy tranzıt-kólik áleýeti men saýda-ekonomıkalyq qatynastardy damytýǵa baǵyttalǵan.
Zańǵa sáıkes tarap memleketiniń aýmaǵyna kirý nemese shyǵý kezinde júkterdi, sondaı-aq tasymaldanatyn taýarlardy qurama tasymaldaýdy oryndaıtyn kólik quraldary, jeke jáne zańdy tulǵalar memleketterdiń zańnamasyna sáıkes baqylaýdan ótetin bolady.
Kelisimniń oryndalýyna qatysty barlyq máselelerdi retteý maqsatynda memlekettik laýazymdy adamdardan, sondaı-aq quramdas tasymal sektorynyń ókilderinen turatyn Birlesken komıtet qurylady.
Senatorlar otyrys qorytyndysy boıynsha «Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy halyqaralyq quramdastyrylǵan júk tasymaldary týraly kelisimdi ratıfıkasııalaý týraly» zańdy Palatanyń qaraýyna jiberý týraly sheshim qabyldady.
