Foto: ztsvvu.eu
Sýdıa keıingi kúnderi BAQ ókilderiniń sot zalyna kirgizilmegeni týraly narazylyq mánindegi materıaldar jıi nazaryna ilikkenin aıtyp, «Jarııalylyq» uǵymyna túsinik berdi.
«Bul uǵymnyń mazmuny Joǵarǵy Sottyń «Qylmystyq ister boıynsha sot isin júrgizýdiń ashyqtyǵy qaǵıdatyn saqtaý týraly» normatıvtik qaýlysymen túsindirilgen. Sot isin júrgizýdiń jarııalylyǵyn ashyq sot talqylaýyn ótkizý ǵana emes, oǵan taraptardyń qatysýyn, iske qatyspaıtyn basqa tulǵalardyń qatysý múmkindigin qamtamasyz etý dep túsiný kerek. Bul prınsıpke sot sheshimin kópshilik aldynda jarııa etý jatady», dedi Nazgúl Rahmetýllına.
Ol sot qyzmetindegi jarııalylyqtyń eki shartyn naqtylady:
«Birinshi. Sot otyrysyna proseske qatysýshylar jiberiledi jáne qatysady.
Bul tek memlekettik aıyptaýshy, jábirlenýshi(ler), olardyń resmı ókilderi, sottalýshy(lar), olardyń qorǵaýshylary (tıisti qaýlymen jiberilgen jaqyn týystary), qorǵaýshy-advokattar.
Sot talqylaýynyń basty maqsaty – qylmystyq isti sheshý, ádil úkim shyǵarý ekenin umytpaýymyz kerek.
Osyǵan sáıkes sot, eń aldymen, aıyptaý jáne qorǵaý taraptaryna olardyń quqyqtaryn kedergisiz jáne tolyq qorǵaý úshin jaǵdaı jasaýǵa mindetti.
Ekinshi. Sot talqylaýy ashyq túrde ótedi. Iаǵnı, prosess týraly aqparat barlyǵyna qoljetimdi bolýy kerek: ne bolyp jatyr, kim aıtyp jatyr, ne aıtady jáne t.b. Sot zalyna keıde barlyq tileýles jýrnalıster men operatorlar syımaı jatady. Ondaı kezde BAQ-qa qoljetimdilikti qamtamasyz etý úshin qolda bar tehnologııalar sátti qoldanylady. Prosestiń onlaın translıasııasy basqa bólmede kórsetiledi», dep jazdy Joǵarǵy Sottyń sýdıasy.
Nazgúl Rahmetýllına sot zalyna barlyq kelýshilerdiń syımaý jaǵdaıyn eskerip, BAQ úshin onlaın aqparat taratýǵa qolaıly bólme jabdyqtalǵan bolsa bul jýrnalısterdiń kásibı qyzmetine kedergi keltirý deregine qıyspaıtynyn túsindirdi.
«BAQ ókilderi eger kórshi bólmede otyrsa jáne sot prosesin basynan aıaǵyna deıin baqylap, bárin jazyp alyp, onlaın jarııalaýǵa múmkindigi bolsa, «BAQ-ty sot otyrysy zalyna jibermedi dep aıta alamyz ba? Menińshe, joq.
Men bul týraly buryn da jazdym.
Sot – qoǵamnyń bir bóligi. Onda siz sııaqty elimizdiń azamattary jumys isteıdi. Mysaly, sotta nemese basqa da qoǵamdyq oryndarda ózimizdi ustaýymyz - ózimizdi qanshalyqty qurmetteıtinimizdi, tárbıe deńgeıin, ózin-ózi ustaý mádenıetin kórsetedi. Bul – jas urpaqqa úlgi, álem jurtshylyǵy aldyndaǵy bizdiń «keskin-kelbetimiz», dedi N.Rahmetýllına.
