foto: ashyq derekkóz
«Jergilikti atqarýshy organdarǵa mıkrokredıtterdi berýge qarajat 2023 jylǵy aqpan-naýryz aılarynda bólingenin atap ótemiz, osyǵan oraı bıýdjet qarajattaryn ıgerý 2024 jylǵy aqpan-naýryzǵa deıin júzege asyryldy», delingen habarlamada.
Statıstıkaǵa sáıkes, Túrkistan (625), Qyzylorda (492), Jambyl (483) oblystarynda, Astana (451) qalasynda mıkrokredıtterdiń eń kóp sany berilgen.
26,4 mlrd teńge somasyna 5 658 mıkrokredıt bıznes jobalardy iske asyrýǵa berildi, onyń ishinde mıkrokredıtterdiń 35,4% aýyl turǵyndaryna berilgen.
Kredıt alýshylardyń basym kópshiligi mal sharýashylyǵy, qyzmet kórsetý, saýda, jeńil ónerkásip salalaryn qamtydy.
«Mıkrokredıt 21 jastan 35 jasqa deıingi jastarǵa óz kásibin ashýǵa nemese ony keńeıtýge, 5 jyldan aspaıtyn merzimmen jeke kásipker retinde tirkelgen jaǵdaıda beriledi. Bul rette qatysýshylardyń «Agrarlyq nesıe korporasııasy» AQ-ǵa ótinimmen júgingen ýaqyttaǵy jasy eskeriledi», dep túsindirdi mınıstrlikten.
Mıkrokredıttiń mólsheri 5 mln teńgege deıin, al qatysýdyń eń uzaq merzimi – 5 jylǵa (kez kelgen maqsatqa) nemese 7 jylǵa deıin (mal sharýashylyǵy salasyndaǵy jobalar úshin). Nomınaldy syıaqy mólsherlemesi – jyldyq 2,5%-dan aspaıdy.
Mıkrokredıt alýshylar úshin negizgi borysh pen syıaqyny óteý boıynsha jeńildikti kezeń beriledi, ol mıkrokredıt merzimi uzaqtyǵynyń úshten birinen aspaıdy.
Kepilmen qamtamasyz etýdiń bolýy mindetti shart bolyp tabylady. Kepilmen qamtamasyz etý retinde kelesiler qabyldanady:
- ekinshi deńgeıdegi bankterdegi shottarda ornalastyrylǵan aqsha qarajaty;
- respýblıkalyq mańyzy bar qalalarda, oblystyq mańyzy bar qalalarda, aýdan ortalyqtarynda, oblystyq jáne aýdandyq baǵynystaǵy qalalarda, sondaı-aq aýyldarda jáne aýyldyq eldi mekenderde jyljymaıtyn múlik;
- jeke menshik quqyǵyndaǵy/bastapqy uzaq merzimdi óteýli jer paıdalaný (jalǵa alý) (egistik) quqyǵyndaǵy aýyl sharýashylyǵy maqsatyndaǵy jer ýchaskeleri;
- jaıylymdardy sýlandyrý jáne qorshaý ınfraqurylymy bar jer ýchaskeleri;
- baý-baqsha ósirýge arnalǵan jer ýchaskeleri;
- mamandandyrylǵan tehnıka.
Kepilmen qamtamasyz etý bolmaǵan jaǵdaıda kepil berýshini (ata-analaryn, týystaryn jáne t.b.) tartýǵa bolady.
О́tinim berý úshin qujattar paketin «Agrarlyq nesıe korporasııasy» AQ fılıalyna tapsyrý qajet.
Mıkrokredıtter arnaıy komıssııanyń sheshimi negizinde beriledi, onyń otyrystarynda úmitkerler ózderiniń bıznes-jobalaryn tanystyrady.
Osylaısha, mıkrokredıt berý týraly sheshim komıssııalyq jáne naqty is-qımyl josparymen ózekti, dáleldi, ekonomıkalyq negizdelgen, qoǵamdyq mańyzy bar, ómirsheń bolýy tıis jobanyń pysyqtalýyn baǵalaýdyń naqty krıterııleri negizinde qabyldanady.
2024 jyldyń sáýir aıynan bastap mıkrokredıtter alýǵa ótinimder barlyq oblystar men Astana, Almaty jáne Shymkent qalalarynda qabyldanady.
