Damýǵa serpin beredi

Byltyr Túrkistanda ótken Ulttyq quryltaı otyrysynda Prezıdent Qasym-Jomart Toqaev eldiń jańa ıdeologııalyq strategııasyn iske asyrý jónindegi naqty qadamdardy belgilep bergen edi. Onyń basty basymdyqtary retinde Memleket basshysy ulttyń jańa sapasyn qalyptastyrýdy, ulttyq qundylyqtar júıesin ny­ǵaıtýdy aıqyndady. Bul – ádep pen patrıotızmniń murattary, eń­bek pen bilimge berilý, zańdylyq pen tártipti saqtaý, gýmanızm men jaýapkershilik.

Memleket basshysy atap ótken­deı, Ulttyq quryltaı qoǵam­­­dyq dıalogtiń biryńǵaı ınstıtý­­sıo­naldyq modelin qalyptastyryp, halyq pen bılik arasyn baılanys­tyratyn dáneker, osy maqsattarǵa jetý jolyndaǵy qoǵamdyq biri­gýdiń jáne naqty qadamdardyń jańa strategııasyn ázirleýdiń negizgi tuǵyrnamasy bolýǵa tıis. Sebebi búginde qoǵamnyń birligi ǵana elimizdiń damýyna serpin bere alady, biz tek kúsh biriktirgende ǵana ádiletti Qazaqstandy qura alamyz.

Ulytaý jáne Túrkistanda ótken Ulttyq quryltaıdyń aldyńǵy eki otyrysynyń nátıjesinde ortaq qundylyqtarymyzdy, onyń ishinde saıası sıpattaǵy jáne áleýmettik-gýmanıtarlyq baǵyttaǵy máse­le­lerdi nyǵaıtý jáne ilgeriletý jóninde usynystar ázirlendi. Eń bas­tysy, biz ulttyq qundylyqtardy ilgeriletý, jańa qazaqstandyq bire­geılikti qalyptastyrý boıynsha naqty qadamdar jasaı aldyq degen senimdemin.

Ulttyq quryltaı óziniń aınalasyna úlken ınstıtýsıonaldyq áleýeti bar barlyq oblystyq qoǵam­dyq keńesti, sondaı-aq azamattyq qoǵamnyń belsendi ókil­derin, qoǵamdyq pikir kóshbas­shylaryn, ǵa­lymdardy shoǵyr­landyrdy. Bul ınstıtýttyń jumysyna tek saıası qaıratkerler men zııaly qaýym ókilderiniń emes, sonymen qatar eldiń damý máselelerine beıjaı qaramaıtyn azamattardyń, óndiristiń, iri, shaǵyn jáne orta bıznes ókilderiniń de qosylǵany mańyzdy. Bul dıalogte plıýralızm bar ekenin kórsetedi jáne qoǵamdyq pikirtalastyń sapasy men osy alań­nyń tıimdiligin aıtarlyqtaı arttyrady.

Ártúrli din, mentalıtet, etnos ókilderinen turatyn qoǵam­nyń áralýandylyǵy Ulttyq quryltaıdan shet qalǵan joq. Osynyń arqasynda biz búgingi qo­ǵam­dy tolǵandyratyn eń ózekti máseleler boıynsha ıdeıa­lar men pikirlerdiń tolyq spektrin tyń­daı alamyz. О́ıtkeni dıalogke qa­tysýshylardyń barlyǵynyń ortaq múddesi bar, bul – mem­le­keti­miz­di damytý jáne el táýel­sizdigin nyǵaıtý.

Sonymen qatar Quryltai arnaıy mobıldi qosymshasyn qurý barlyq otandasymyzǵa qoǵamnyń mańyzdy máselelerin talqylaýǵa qatysýǵa múmkindik berdi. Ulttyq quryltaı múshelerinen 400-ge jýyq usynys engizildi, olardyń 40-qa jýyǵy otyrys kezderinde aıtyldy.

Biz búgin osy jumystyń nátı­­­jesin kórip otyrmyz. Bul qa­byl­danǵan zań jobalarynda, áıel­der men balalardyń quqyqtaryn qorǵaýǵa, otandastarymyzdyń den­saýlyǵyn qorǵaýǵa, tarıhı qun­dy­lyqtardy nasıhattaýǵa qatysty talqylanatyn zańnamalyq bas­ta­malarda kórinis tabady. Qazir osy máseleler boıynsha Senattyń barlyq komıtetinde aýqymdy jumys júrgizilip jatyr, ná­tıjesi qoǵamdy damytýǵa jáne otandastarymyzdyń ál-aýqatyn arttyrýǵa baǵyttalǵan zańdar bolatyny sózsiz.

Bıbigúl JEKSENBAI,

Senat depýtaty, Ulttyq quryltaı múshesi