Foto: Midjourney
«Biz jaqsylyqqa jetemiz desek, jaǵymsyz ádetterden arylýymyz kerek. Jaqsydan úırenip, jamannan jırene bilýimiz qajet. Iаǵnı, shyn máninde ozyq ult bolý úshin jaqsylyqqa umtylýmen qatar, elimizdiń ósip-órkendeýine kedergi bolatyn jaman ádet, jaǵymsyz qylyq jáne qaýipti keselden qutylýymyz kerek. Bul – ulttyń jańa sapasyn qalyptastyrý jolyndaǵy óte mańyzdy qadam. Uly Abaı «Bes nárseden qashyq bol, bes nársege asyq bol» degen. Bul – árıne, eshqashan eskirmeıtin, mán-mańyzyn joǵaltpaıtyn ósıet. Biraq ár zamannyń ózine tán syn-qaterleri bar», dedi Prezıdent Quryltaı barysynda.
Memleket basshysynyń aıtýynsha, jahandaný úrdisine, jańa tehnologııanyń damýyna jáne basqa da sebepterge baılanysty qoǵamǵa qaýipti jańa keselder paıda boldy.
«Aldymen, esirtki saýdasy, sonyń ishinde sıntetıkalyq esirtki aınalymy. О́kinishke qaraı, bul indet jappaı beleń alyp barady. Tek byltyrdyń ózinde esirtkige qatysty 7,5 myńnan astam qylmys anyqtaldy. Zańsyz aınalymnan 41 tonna esirtki alyndy. Nashaqorlyq, ásirese, balalar arasynda tez taralyp, jastarymyz ýlanyp jatyr. Esirtkimen kúres belsendi júrgizilmese, erteń bári kesh bolýy múmkin. Qazir esirtki satqan qylmysker qatań jazaǵa tartylady. Meniń usynysym: esirtki zattaryn óndiretin adamdardyń jazasyn barynsha qataıtý kerek. Ony eń aýyr qylmystarǵa teńestirý qajet. Parlamentti bul bastamany qoldaýǵa shaqyramyn», dep atap ótti Qasym-Jomart Kemeluly.
Sondaı-aq Prezıdent jastar arasynda beleń alǵan «veıpterdiń» taralýyna tosqaýyl qoıý maqsatynda júzege asyrylyp jatqan is-sharalar keshenine toqtala ketti.
«Men byltyrǵy Quryltaıda balalar men jastardyń densaýlyǵyna, ıaǵnı tutas ulttyń bolashaǵyna orasan zor zııan keltirip jatqan «veıpterdiń» taralýyna tosqaýyl qoıý úshin naqty sharalar qabyldaý qajettigin aıttym. Qazir Parlamentte veıpterdi elge ákelgen, ony óndirgen jáne taratqan adamdardy qylmystyq jaýapkershilikke tartýdy kózdeıtin zań jobasy qaralyp jatyr. Bul qadam búginde sánge aınalǵan osy bir qaýipti keseldiń taralýyn edáýir shektep, betin qaıtaratynyna senimdimin. Sondaı-aq aqparat quraldary arqyly jan-jaqty túsindirý jumysy júrgizilýge tıis. Bul – ult saýlyǵyna da, elimizdiń abyroı-bedeline de kesirin tıgizetin ádet. Biz órkenıetti el bolamyz desek, odan tolyq arylýymyz kerek», dep eskertti Memleket basshysy.
Osy oraıda el Prezıdenti taǵy bir qaýipti kesel – lýdomanııa týraly sóz qozǵady. Prezıdent usynǵan málimetke sáıkes, búginde 400 myńǵa jýyq azamat – býkmekerlik keńseler men kazınolardyń turaqty klıenti.
«Bul – tutas bir qalanyń halyq sanyna para-par kórsetkish. Shyn máninde, lýdomanııa – beıbit kúnde eldiń shyrqyn buzyp jatqan qater. Sonyń kesirinen talaı shańyraq shaıqaldy. Talaı azamat zań buzyp, qylmysqa uryndy. Qumar oıyn úshin qaryzǵa batyp, ózine qol jumsaǵan jandar týraly habarlar, ókinishke qaraı, kún saıyn tarap jatady. Bul dert jas urpaqqa óte úlken zııan keltiredi. Onlaın-oıyndar balalardyń kúndelikti ermegine aınalyp barady. Quzyrly organdar byltyr ınternet-kazınonyń belgisi bar 4 myńnan astam saıtty buǵattady», dep túsindirdi Q.Toqaev.
Memleket basshysy Qazaqstanda nashaqorlyqqa jáne esirtki bıznesine qarsy kúresý maqsatynda keshendi jospar qabyldanǵanyn eske saldy.
«Úkimet lýdomanııamen kúreske qatysty dál sondaı jospar qabyldaýy kerek. Qumarpazdyqqa zań júzinde shekteý qoıý qajet. «Amanat» partııasy fraksııasynyń bastamasymen osy másele boıynsha tıisti zań jobasy ázirlendi. Parlamentte qaralyp jatqan sol jobany osy sessııanyń sońyna deıin qabyldaý qajet. Biz jastardyń qumar oıynǵa salynyp, arzan tabysqa umtylýyna jol bermeýimiz kerek. Adal eńbekpen tapqan tabys qana berekeli bolady», dep túıindedi Prezıdent.
