foto: stan.kz
Sınoptıkterdiń málimetinshe, 19-21 naýryz aralyǵynda respýblıkanyń basym bóliginde aýa temperatýrasy birtindep tómendeıdi. Máselen, respýblıkanyń soltústik jartysynda túnde -7-18°S, kúndiz -6+6°S bolady, ońtústik jartysynda túnde 0-10°S, kúndiz +3+18°S deıin jyly bolady.
«Aldaǵy úsh táýlikte el aýmaǵynyń basym bóligine atmosferalyq frontaldy bólikter yqpal etedi, onyń áserinen elimizde jaýyn-shashyn bolady», delingen habarlamada.
Boljam boıynsha, 21 naýryz túnde Qaraǵandy oblysynyń ońtústiginde qatty jaýyn-shashyn kútiledi. 20 naýryzda kúndiz Mańǵystaý oblysynyń batysy men ońtústiginde, 21 naýryzda Qyzylorda oblysynda, 20-21 naýryzda Túrkistan oblysynda, 19 naýryz kúndiz, 20-21 naýryzda Jambyl oblysynda jaýyn-shashyn bolady dep boljanyp otyr.
«20-21 naýryzda Batys Qazaqstan, Atyraý, Aqtóbe oblystarynda, 21 naýryzda Qostanaı oblysynda jaýyn-shashynsyz aýa raıy saqtalady, respýblıkanyń barlyq aýmaǵynda, soltústikte jáne ortalyqta jel kúsheıedi, tuman, kóktaıǵaq kútiledi, qar jaýady, Qazaqstannyń ońtústigi men ońtústik-shyǵysynda naızaǵaı oınaıdy», dep habarlady «Qazgıdromet» RMK.
