Foto: otzvip.ru
Agenttik málimetinshe, ótken jyly elimizde 120,9 myń jup neke qıǵan. Alaıda bul kórsetkish 2022 jylmen salystyrǵanda 6 paıyzǵa az. Bul eń tómengi kórsetkish ekenin aıta ketken jón. Buǵan deıin 2008 jyly resmı túrde 135 myńnan astam jup neke qıyp, otbasyn qurýdyń tómen deńgeıi tirkelgen edi.
Sonymen qatar 2023 jyly ajyrasý deregi de azaıǵan. Byltyr 16,8 myń jup ajyrasqan. Kórsetkish 2022 jylǵa qaraǵanda 5,3%-ǵa az. Mamandar bul rekordtyq kórsetkish ekenin atap ótti. Resmı derek aýyl turǵyndarynyń arasynda ajyrasý deregi tómen ekenin naqtylady. Qalada ajyrasý sany – 5,2%-ǵa (12,4 myńǵa deıin), aýylda 5,5%-ǵa (4,4 myń jupqa deıin) azaıǵan.
О́ńirler boıynsha eń kóp otbasy qurǵandar tiziminde Almaty qalasy kósh bastady: 2023 jyly 13,1 myń jup nekelesti jáne bul 2022 jylǵa qaraǵanda 4%-ǵa az. Odan keıingi orynda – Túrkistan oblysy (11,8 myń) jáne Astana (10,4 myń). Eń az neke Ulytaý oblysynda tirkelgen – 1,5 myń jup.
Ajyrasý boıynsha da Almaty birinshi orynda: 2023 jyly – 2,3 myń, 2022 jyly 2,1%-ǵa az. Odan keıingi orynda – Qaraǵandy oblysy (1,5 myń) men Astana (1,5 myń). Eń az ajyrasý da Ulytaý oblysynda tirkeldi – nebári 198.
Agenttik el turǵyndarynyń ajyrasýyna túrtki bolǵan 3 basty sebepti anyqtady:
- Otbasylyq máselege týysqandardyń aralasýy; (61%)
- Moraldyq kelispeýshilikter; (41%)
- О́zge de sebepter; (25%)
