Foto: Turizm jane sport ministrligi
Baıraqty básekede 32 sport túrinen 329 medal jıyntyǵy sarapqa salynady. Qazaqstan quramasy sporttyń 20 túrinen qatysýdy josparlap otyr.
Qazirgi ýaqytta Qazaqstan delegasııasy qorjynynda Parıj Olımpıadasynyń 11 sport túrinen 31 lısenzııasy bar (boks (erler) – 6, nysana kózdeý – 5, sadaq atý – 4, semserlesý – 4, tasjoldaǵy velosport – 3, qazirgi bessaıys – 2, taekvondo – 2, boks (áıelder) – 1, grek-rım kúresi – 1, erkin kúres – 1, sporttyq gımnastıka – 1, batýttaǵy gımnastıka – 1).
Mınıstrliktiń málimetinshe, lısenzııa sanyn óńirler úlesine bóler bolsaq, Almaty, Shymkent qalalary jáne Jetisý oblysy úzdik nátıjemen kósh bastap tur. Úsheýiniń de enshisinde bes joldamadan bar. Keıingi oryndarǵa ShQO (4), Astana qalasy (3), Jambyl (2), SQO (2), Aqmola (1), Qyzylorda (1), Abaı (1), Qaraǵandy (1), Túrkistan oblystary (1). Al qalǵan óńirlerde Olımpıadanyń birde-bir joldamasy joq.
Aıta ketsek, Olımpııa oıyndaryna deıin áli 50-den asa lısenzııalyq jarys bar. Onyń ishinde sportshylarymyz álem chempıonattary, Azııa chempıonattary jáne reıtıngtik týrnırlerge qatysady.
