Foto: QR TJM
11 óńirde ákimdikter men TJD ókilderiniń kezekshiligi uıymdastyryldy. Sý aıdyndary men sý tasqyny jaǵdaıyna monıtorıng júrgizý boıynsha jumystar jalǵasyp jatyr. Jedel jeli telefony iske qosyldy: TJM 8 717 2 70 41 14, Aqtóbe oblysy TJD 8 713 2 54 86 57, Batys Qazaqstan oblysy TJD 8 711 2 55 40 88.
Erigen qar sýymen kúresý úshin Aqtóbe jáne Qostanaı oblystaryna Mańǵystaý, Qyzylorda oblystary men 52859, 20982 áskerı bólimderinen 220-ǵa jýyq jeke quram men 25-ten astam tehnıkadan qosymsha kúshter men quraldar jiberildi.
Avarııalyq-qutqarý jumystaryna barlyǵy 1,5 myńǵa jýyq adam, 500-den astam tehnıka, 200-ge jýyq birlik sý aıdaý jáne júzý quraly jumyldyryldy.
TJM men ákimdikterdiń jumyldyrylǵan kúshteri men quraldary 320 myńnan astam tekshe metr sý alynyp, ınertti materıaldar salynǵan 7 myńnan astam qap tóselgen. Eń qaýipti ýchaskelerde nyǵaıtý jumystary júrgizilip jatyr.
Aqtóbe oblysyndaǵy Shubarqudyq aýylynda sý basqan 5 jeke turǵyn úıden, 34 aýla aýmaǵynan sýdy shyǵarý jumystary jalǵasyp jatyr. Jalpy oblys boıynsha sý basqan úıler men aýla aýmaqtarynan 51 myńnan astam tekshe metr erigen qar sýy alynyp, ınertti materıaldar salynǵan 7,9 myńnan astam qap tóseldi. 543 tekshe metr qar shyǵarylǵan.
Qostanaı oblysynyń Qostanaı, Arqalyq qalalarynda, Amangeldi jáne Jangeldi aýdandarynda erigen qar sýyn alý jumystary júrgizilip jatyr. Arqalyq qalasynda 20 aýla aýmaǵy, onyń ishinde 12 jeke turǵyn úı sý astynda qaldy. Úzdiksiz júrgizilgen sý alý jumystarynyń nátıjesinde Arqalyq qalasynyń turǵyn úılerinen sý tolyǵymen shyǵaryldy. Barlyǵy 6848 tekshe metr sý alyndy. Eldi mekenderdi sý basý qaýpi joq. Qazirgi ýaqytta jaǵdaı turaqty.
Sý tasqynyna qarsy is-sharalar jalǵasyp jatyr.
