Foto: Polisia.kz
Soltústik Qazaqstan oblysyndaǵy aýyldyq mektepterdiń birinde 10 jyl boıy muǵalim bolyp jumys istegen áıel birneshe jyl buryn atalǵan jumystan shyǵyp ketkennen keıin esirtkini jasyryn qoıyp ketý jumysyn bastaǵan.
Operatıvter tintý barysynda tyıym salynǵan zattary bar 14 oramdy tapqan. Odan keıin 37 jastaǵy áıel polıseılerge esirtkini jasyryn salǵan oryndardy kórsetken, polıseıler «bomba» dep atalatyn taǵy eki úlken oramdy jáne dozasy boıynsha ólshenip salynǵan tórt oramdy tapty.
Sondaı-aq polıseıler Stepnogorskte ol birneshe kún jalǵa alyp turǵan páterdi teksergen. Munda operatıvter tyıym salynǵan zattary bar 105 oram jáne esirtki zattaryn mólsherli dozasy boıynsha ólshep-oraýǵa arnalǵan qurylǵylar tapqan. Saraptama boıynsha alynǵan zat salmaǵy 62,5 gramm (bul – asa iri kólem) mefedron – sıntetıkalyq esirtkisi bolyp shyqty.
Qazirgi ýaqytta sotqa deıingi tergeý júrgizilip jatyr, aıyptalýshy qamaýǵa alyndy.
