foto: TJM
Jıynǵa TJM, IIM, Ekologııa mınıstrligi men Qazgıdromet ókilderi qatysty.
Tótenshe jaǵdaılar mınıstrliginiń ókili ózekti aǵymdaǵy jaǵdaıdy baıandady.
Eń qıyn jaǵdaı Aqmola, Aqtóbe, Shyǵys Qazaqstan, Batys Qazaqstan, Qostanaı, sondaı-aq Abaı, Ulytaý oblystarynda baıqalady.
«Respýblıkalyq jáne 12 oblystyq shtabtar ornalastyryldy. Senim telefony jumys istep jatyr, sondaı-aq táýlik boıy kezekshilik uıymdastyryldy.
Jergilikti ákimdikter, polısııa jáne tótenshe jaǵdaılar organdary sý basqan nysandardy soryp alý jáne habarlamalardy qalpyna keltirý boıynsha shuǵyl jumystar júrgizip jatyr. 94 adam evakýasııalandy.
Barlyǵy 2,5 myń qyzmetker men 693 tehnıka, 288 sýdy soryp alý qondyrǵylary jumyldyryldy», delingen Bas prokýratýra baspasóz qyzmeti taratqan habarlamada.
Biraq qabyldanǵan sharalarǵa qaramastan, atalǵan aımaqtarda turǵyn úılerdi, aýla aýmaqtaryn jáne jertólelerdi sý basyp jatyr. Máselen, joldy shaıyp ótýdiń 7 jaǵdaıy tirkeldi.
Aýa raıynyń turaqsyzdyǵyn eskere otyryp, aldaǵy kúnderi nóserli jańbyr, aýa temperatýrasynyń kóterilýi, sý basý qaýpi áli de saqtalady.
Keńeste gıdrotehnıkalyq qurylystardyń jaı-kúıi, eldi mekenderdi, joldar men kópirlerdi ınjenerlik qorǵaý, turǵyndardy ýaqtyly evakýasııalaýdy qamtamasyz etý, evakýasııalaý pýnktteriniń daıyndyǵy, alǵashqy medısınalyq-áleýmettik kómek kórsetý máseleleri de talqylandy.
Halyqty eskertý júıeleriniń úzdiksiz jumysyn qamtamasyz etý qajettiligine de erekshe nazar aýdaryldy.
О́z kezeginde polısııa organdary tasqyndy joıý jumystary kezinde qaýipsizdik pen quqyqtyq tártipti qamtamasyz etýge baǵyttalǵan.
Keńes qorytyndysy boıynsha oblys prokýrorlary men ýákiletti memlekettik organdarǵa birlesip turǵyndardan túsetin sıgnaldarǵa barynsha den qoıý jáne sý tasqynynan zardap shekken adamdarǵa kómek kórsetýge jedel sharalar qabyldaý qajettigi aıtyldy.
