Jol boıyndaǵy jaǵdaıdy aýdan ákimdigi baqylaýyna alǵan. Sý jınalǵan jerlerde motosorǵylar jumys istep jatyr. Sý shaıyp ketý qaýpi bar jerlerge ınertti materıal salynǵan qapshyqtar qalanyp, tosqaýyl jasalyp jatyr. Sý jınalǵan jerlerde tótenshe jaǵdaı jáne órt sóndirý bólimderiniń qyzmetkerleri, jergilikti atqarýshy organdardyń qyzmetkerlerleri sondaı-aq aýyl turǵyndary júr. Sý basý qaýpi bar sharýa qojalyqtary qaýipsiz jerlerge kóshirilýi múmkin.
Oblys ákimdiginiń málimetinshe, Jangeldın aýdanynda sý tasqynynyń aldyn alý jumystaryna 30 adam tartylǵan jáne «Kamaz», «Ekskavator», júk tıegish traktor, MTZ traktory, ÝAZ avtokóligi, polısııa bóliminiń patrýldik kóligi, 5 motosorǵy jumys istep jatyr. Tústen keıin olardyń qataryna «Alıýmınstroı» JShS-niń bir ekskavatory, 1 «Kamaz» júk kóligi kelip qosylǵan.
