О́nertapqyshtar oqyrmandarǵa túrli qarjylyq qıyndyqqa tap bolǵan jáne ony sheshýge kómektesken keıipkerler arqyly qarjylyq saýatsyzdyq deńgeıin azaıtýdy kózdeıdi. Bul bastama avtorlyq quqyqqa ıe bolyp, «Infomatrix» halyqaralyq baıqaýynyń fınalyna ótti.
– Bizdiń elimizde qarjylyq saýat deńgeıi qandaı ekeni belgili. 2021 jylǵy ındeks boıynsha ol 39,52 paıyzdy qurady, bul damyǵan elderdiń ortasha deńgeıinen edáýir tómen. Biz qarjylyq saýatsyzdyqpen kúresýdi mektepten bastaý kerek dep sanaımyz. Sondyqtan saýatty bolýdyń mańyzyn osy komıkster arqyly nasıhattap otyrmyz, – deıdi joba avtorlary.
«Qarzhymen» komıksi jeti taraýdan turady. Jobany ázirleýge oqýshylar bir jylǵa jýyq ýaqyt jumsaǵan. Ásııa men Aıshat komıks avtory bolsa, Dana mátin men redaktorlyq jumysty istegen, al Mereıli – veb-dızaıner. Olar endi ony qazaq jáne aǵylshyn tiline aýdaryp, komıksterdi, beınerolıkterdi, oıyndardy jáne qarjylyq saýat týraly ınteraktıvti sabaqtardy biriktiretin mýltımedııalyq platforma qurý arqyly jobany keńeıtýdi josparlaǵan.
Joba IýNESKO tarapynan da qoldaý tapqan. Oqýshylar komıksti elimizde, ásirese bilim berý resýrstary qoljetimsiz shalǵaı aýdandardaǵy jastar arasynda taratýǵa múmkindik aldy. Sonymen qatar avtorlar mektep baǵdarlamasyna komıksterdi engizý jáne qarjylyq saýat boıynsha bilim berý is-sharasyn tek elimizde ǵana emes, odan tys jerlerde de keńeıtý úshin memlekettik jáne úkimettik emes uıymdarmen jumys isteýdi maqsat etip otyr.
