Aıagóz aýdanyndaǵy tótenshe jaǵdaı

Tótenshe jaǵdaı depar­tamentiniń ókilderi aldyn ala turǵyndarǵa túsindirý ju­mystaryn júrgizip, ózen­der men bulaqtardyń ar­na­­­syn tazalaý kerektigin es­kert­ken. Borodýlıha aýda­nynyń Krasnyı Iаr aýy­lynyń irgesindegi Úbi óze­ninde muz keptelisteriniń aldyn alý úshin jarylys ju­mys­tary da júrgizildi. Semeı qalasynyń ishindegi qar shyǵarylyp, sý basý­dyń aldyn alǵan. Deıtur­ǵanmen, birqatar aýdanda ózender arnasynan shyǵyp, jolaýshylarǵa kedergi bol­ǵan. Ásirese Aıagóz aýdany­nyń turǵyndary men bılik ókilderin ábigerge saldy. Aıagóz – Bozaı tas­jolynyń 20 shaqyrymynda aıadaı ǵana Aıagóz ózeni arnasynan asyp, kópirdiń bir qabat tóse­min shaıyp ketken. Til­siz jaýdyń saldarynan Aıagóz aýdanynyń ákimdigi jer­gilikti aýqymdaǵy tótenshe jaǵdaı jarııalady. Qazirgi ýaqytta kópir arqyly kólik qatynasy toqtatylǵan. So­ny­men qatar basqa aınalma kólik joldary arqyly eldi mekenmen baılanysty qalpyna keltirý jumystary júrgizilip jatyr. Polı­sııa departamentiniń qyz­metkerleri shekteý bel­gilerin qoıyp, kezekshilik uıymdastyrdy. Al turǵyn­dardy Aıagóz ózeni arqy­ly ótkizý úshin TJD qyz­met­kerleri jumyldyryldy. Olar qajet bolǵan jaǵdaıda júzý quraldarynyń kómegi­men ótkeldiń qyzmetin at­qarady.

О́zge óńirlermen salys­tyrǵanda, Aıagóz aýdanyna qar juqa túskenimen qaýip az emes. Arqany keń­ge salýǵa bolmaıtyn sııaq­ty. Esterińizge salsaq, jýyq­ta arnasynan asyp-tasyp jatqan Aıagóz ózeninen ótpek bolǵan úsh jigit sýǵa ketken degen boljam bar. 23 naý­ryz kúni oqıǵa ornyna Abaı oblysynyń TJD jedel-qutqarý jasaǵy­nyń qyzmetkerleri dereý ji­berilgen. Sýǵa ketken aza­­mat­tardyń biri 1977 jy­ly týǵan er adam Aıagóz óze­ninen ótpekshi bolǵan kezde attan qulaǵan sekildi. Er adam atpen ózi jumys atqa­ratyn «Shyǵys» shar­ýa qojalyǵyna barmaqshy bolǵan. Sonymen qatar 26 naý­ryzdan bastap 1957 jáne 1985 jyly týǵan taǵy eki azamatty izdestirý júr­gizilip jatyr. Olar «MTZ 82» markaly traktorda Bor­ly ózeninen ótý kezinde sýda joǵalyp ket­ken. Olar «Shalqar» qosal­qy sharýa­shylyǵynan Qara­ǵash aýylyna qaraı jolǵa shyqqan. Jolda er adamdar joldy qysqartý úshin ózen arqyly ótpekshi bolǵan. Alaıda olar ózenniń ortasynda turyp qalǵan. Oqıǵa ornyna kelgen qutqarý­shylar adamdardy tappady.

Izdestirý jumystaryna Abaı oblysynyń TJD, polısııa departamenti, JAO, ÁB kúshteri men quraldary barlyǵy 41 adam, 4 júzý quraly, 5 birlik tehnıka, 3 pı­lotsyz ushý apparattary, sondaı-aq jergilikti turǵyndar esebinen azamattar jumyldyryldy. Aıagóz aýdanyna adamdarǵa psıhologııalyq kómek kór­se­tý maqsatynda TJD psı­ho­logteri de oqıǵa ornyna jiberildi.

Sý aıdyndarynyń kók­temgi lastanýyna baılanys­ty súńgýirlerdiń kómegimen izdeý jumystary ózenderdiń aǵý jyldamdyǵymen jáne sý astynynyń kórinýiniń nasharlyǵymen qıyndady. 27 naýryzda saǵat 04.00-den bastap izdestirý-qutqarý ju­mystary qaıta jandandyryldy, jumystar 26 naý­ryzda qarańǵy túsýine baılanysty toqtatylǵan edi.

Kóktemgi tasqyn kezin­de asa abaı bolǵan jón. Jazdyń kúni jylap aǵatyn bulaqtardyń ózi bul ýaqyt­ta bulqynyp, minez shyǵa­ratynyn este ustaý kerek sekildi.

Abaı oblysy