Foto: QUB baspasóz qyzmeti
Banktiń baspasóz qyzmeti búgin, 28 naýryzda habarlaǵandaı, EURO-2024 kolleksııalyq monetalary Germanııanyń MDM nýmızmatıkalyq kompanııasymen áriptestik negizde daıyndaldy.
«Monetadaǵy fýtbol doby jer sharyn beıneleıdi. Dopta chempıonat matchtary ótetin qalalar belgilengen Germanııa kartasynyń kontýry beınelengen. Doptyń syrtynda týrnırdiń fınaldyq bóligindegi komandalardyń sanyn bildiretin 24 juldyz bar», delingen habarlamada.
Monetalar kúmisten daıyndalǵan, synamasy – 925/1000. Moneta massasy – 20 gramm, dıametri – 32 mm, daıyndaý sapasy – proof jáne anti-proof. Monetanyń nomınaly – 100 teńge, jalpy taralymy – 2 500 dana. Qazaqstannyń ishki naryǵy úshin moneta taralymy – 1 500 dana, syrtqy naryq úshin (joba seriktesi – MDM nýmızmatıkalyq kompanııasy) – 1 000 dana.
Aıta keteıik, Eýro-2024 Germanııada 14 maýsym men 14 shilde aralyǵynda ótedi. О́tken joly 2020 jylǵy fýtboldan Eýropa chempıonaty Eýropanyń ártúrli elderinde ótti. Italııa quramasy fınalda Anglııa quramasyn penaltı serııasynda jeńip, chempıon atandy.
