Foto: senate.parlam.kz
S.Arýbaevtyń aıtýynsha, babalarymyzdan qalǵan ulttyq qundylyqtarymyz namyspen, tanymmen, tárbıemen urpaqqa daryǵan.
«О́kinishke qaraı, qoǵamdyq sanaǵa tirek bolar osyndaı qasterli qasıetter batystyń ba, joq álde basqanyń ba jetegine erip, ulttyq bolmysty álsiretý ashyq kóriniske aınalǵan. О́kinishtisi, búgingi urpaq ulttyq tarıhymyzdyń dińgegine aınalǵan batyrlar men arystardyń esimderin maqtanyshpen aıtpaıdy, ómir joldaryn bile bermeıdi. «Qazaqtyń qara dombyrasy – haram» degen sózdi de estidik. «Qabanbaı kim?», «Aqan kim?», «Qanysh kim?» degen saýaldarǵa jastar tarapynan «ákim, mınıstr, ataqty sportshy» degen ózek órter jaýaptar da berildi», dedi senator.
Osylaı deı kele, senator birqatar usynysyn ortaǵa saldy.
«QR Prezıdenti Ákimshiligimen birlese otyryp, Memleket basshysy janynan ulttyq qundylyqtar boıynsha jumystardy júıeleıtin arnaıy memlekettik komıssııa qurý qajet. Úkimet bul baǵytta jańa tujyrymdama ázirlep, «Respýblıkalyq ulttyq qundylyqtardy nasıhattaý ortalyǵyn» asha otyryp, onyń quramyna Úkimet múshelerimen qatar, ǵalymdar men tarıhshylardy jáne zııaly qaýym men azamattyq qoǵam belsendilerin tartý kerek. Shetelden keletin týrısterge qazaq halqynyń ulttyq qundylyqtary jaıly úsh tildegi túsindirme jáne nasıhat materıaldaryn shyǵarýdy qolǵa alý kerek. Áleýmettik jeliler áleýetin tıimdi paıdalaný joldaryn qarastyrý kerek», dedi senator Sáken Arýbaev.
