Foto: Oblystyq Tótenshe jaǵdaılar departamenti
Oblysta áli de sý basý qaýpi joǵary 14 aýmaq bar. Sý tasqynynyń saldaryn joıýǵa 133 adam, 51 birlik arnaıy tehnıka men 35 motopompa jumyldyrylǵan.
«Buǵan deıin osy máseleni talqylaǵan kezde men barlyq ákimderge qardy ýaqtyly shyǵarý jáne turǵyn úılerdi sý basyp ketpeý úshin jeke jaýapkershilik týraly eskertkenmin. Sý tasqyny jaǵdaıyna erekshe nazar aýdarylǵanymen, barlyq ákimder bul tapsyrmaǵa qulaq asyp, sý tasqynyna qarsy qajetti sharalardy tıisti deńgeıde júrgizbegen. Pavlodar aýdany, Tereńkól aýdany, sondaı-aq Aqsý qalasy ákimderiniń jumysy qanaǵattanarlyqsyz dep esepteımin. Olarǵa sý tasqynyna qarsy is-sharalar kezinde baqylaýdyń nasharlyǵy úshin qatań sógis berildi», dedi oblys ákimi.
Sondaı-aq Asaıyn Baıhanov turǵyndardyń úılerin sý basyp ketse, aýdan basshylary qyzmetten ketýi múmkin ekenin eskertti.
Tótenshe jaǵdaılar departamentine de jaǵdaı týraly habarlandy. Oblystyq basqarmanyń málimetinshe, tańerteńge deıin oblysta Pavlodar, Aqsý, Maı, Ýspen, Pavlodar, Sharbaqty, Aqtoǵaı jáne Ertis óńirlerinde 20-dan astam qaýipti aýmaq bolǵan. Joldardyń alty ýchaskesi baqylaýǵa alyndy: tórt ýchaske respýblıkalyq mańyzy bar joldar boıynsha, eki ýchaske oblystyq mańyzy bar joldar boıynsha.
Bir kúnde oblys boıynsha 30 myń tekshe metrden astam erigen qar sýy sorylyp, 420 tonna qar shyǵaryldy, jol jıekterine 1,4 myńnan astam qum salynǵan qaptar tóseldi. Jumys táýlik boıy júrgiziledi.
Sonymen qatar áleýmettik jelilerde úı aýlalary men sý kirip ketken ǵımarattar beınelengen vıdeolar tarap júr. Al Pavlodarda zırat aýmaǵyn tolyǵymen sý basqan.
«27 naýryzda Ertis aýylynyń turǵynynan aýla aýmaǵynda erigen sýdyń jınalyp qalǵany týraly ótinish tústi. Jergilikti atqarýshy organdardyń, sondaı-aq Ertis aýdany Tótenshe jaǵdaılar departamentiniń kómegimen aýla aýmaǵynan erigen sýdy sorý jumystary júrgizildi. Bul aýmaqtan barlyǵy 83 tekshe metr sý soryldy», dep habarlady Tótenshe jaǵdaılar departamenti.
Sondaı-aq departament aryz-shaǵym túsken Rozovka aýylynda da úılerdi sý basý qaýpi joq dep sendirdi. Onda kesheden beri jumys júrip jatyr, sýdy aǵyzý úshin drenajdyq uńǵyma burǵylandy.
Esterińizge sala keteıik, óńirde birneshe kúnnen beri sý tartý jumystary jalǵasyp jatyr. Sý basý qaýpi tóngen jaǵdaıda Tótenshe jaǵdaılar qyzmeti turǵyndarǵa 109 jáne 112 telefondaryna habarlasýdy usynady.
