Foto: Joǵarǵy Sottyń baspasóz qyzmeti
Jábirlenýshi jaqtyń aıtýynsha, oqıǵa jańa jyl (2023 jyl) qarsańynda merekelik dastarqan basynda bolǵan.
«31 jeltoqsan kúni saǵat keshki on shamasynda Saltanat pen Qýandyqtyń úıine qonaq bolyp bardym. Sondaı-aq úıde Qýandyqtyń ata-anasy jáne ekinshi nekedegi úsh balasy bolǵan. Sonymen qatar taǵy da shaqyrylmaǵan qonaq retinde Baqytjan Baıjanov áıelimen syılyq alyp kelgen. Saltanat olarǵa arnaıy syılyq daıyndamaǵandyqtan, Qýandyq syılaǵan ıissýdy Baqytjannyń áıeline keter aldynda syılaǵan. Osydan soń olardyń arasynda urys bastaldy», dep baıandaıdy sot otyrysynda Núkenovanyń aǵasy.
Ashý ústinde Bıshimbaev sabyrǵa shaqyrǵan óz ákesine de aýyr sózder aıtqan. Bıshimbaev ata-anasyna bul iske aralaspaýyn surap, barlyǵyna óziniń ákesin kinálap shyqqan.
«Osynyń barlyǵyna sen kinálisiń. Sen meniń jáne anamnyń ómirin qurttyń», dedi jábirlenýshi tarap.
Aıta keteıik, búgin Bıshimbaevqa qatysty sot otyrysy ótip jatyr. Sot eki bólimge bólindi. Ekinshi bólim saǵat 14:30-da bastalady.
