Ol aldymen «Qazaq nege qatigezdenip barady? Qanypezerler qaıdan shyǵyp jatyr?» degen saýaldarǵa jaýap izdegen.
«Qudaı betin aýlaq qylsyn!
Munyń bári - bizdiń oılylarymyz aıtyp, saqtandyryp júrgen jahandanýdyń kórinisi. Jurttyń bárin birdeı tegis kinálaýdan aýlaqpyn, biraq besik jyryn estimeı ósý, Ana tilin bilmeý, ulttyq salt-dástúrge, tıym-nanymdarǵa pysqyrmaý, qazaqy qasıetterge murnyn shúıirý, ata-babanyń ósıet-moralin mensinbeý, óz elińniń asylyn, ozyǵyn baǵalamaı, basqa eldiń jasyǵy men tozyǵyna tabyný - jahandanýdyń eń jaǵymsyz, zııandy jaqtary. Buǵan Abaı atamyz aıtqan «5 nárseni» bilmeýdi, barlyq pen baılyqty kótere almaý, dańǵoılyq, maqtanshaqtyq, ashkóz qanaǵatsyzdyqty, betimen ketken kórgensizdikti qosyńyz. Munyń bári aınalyp kelgende adam balasyn esirik áýmeserge aınaldyrady», deıdi Ulyqbek Esdáýlet.
Aqyn biz óz qoǵamymyzda osy jaıttarǵa kýá bolyp otyrǵanymyzdy qosa aıta ketti.
«Tárbıesiz qoǵam - tul!», dep paıym jasady qalamger.
