Qoǵam • 30 Naýryz, 2024

Sý tasqynyna qarsy jumystarǵa 5 myńnan astam erikti atsalysyp jatyr

244 ret

kórsetildi

1 mın

oqý úshin

Aqtóbe, Qostanaı, Batys Qazaqstan, Aqmola oblystarynda eriktiler zardap shekken aýmaqtardy qalpyna keltirý, jınaý, halyqqa evakýasııa pýnktterinde ýaqytsha turý sııaqty sharalardy uıymdastyrýmen aınalysyp júr, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.

Shyńǵys MUQAEV

Sý tasqynyna qarsy jumystarǵa 5 myńnan astam erikti atsalysyp jatyr

Foto: «Qoǵamdyq kelisim» uıymy

Olar gýmanıtarlyq kómek pýnktterin ashyp, saqtyq sharalary týraly halyq arasynda aqparattyq-túsindirý jumystaryn da júrgizip jatyr.

Atap aıtqanda, Aqmola oblysynda sý tasqynyna qarsy is-sharalarda 50-ge jýyq erikti júr. Olar 150-den astam turǵyndardy sý basqan jerlerden evakýasııalap, qaýipsizdik jáne qutqarý qyzmetteri ókilderine ystyq shaı, tamaq taratý boıynsha kómek qolyn sozyp jatyr.

Aqtóbe oblysyna 4 myń erikti jumyldyryldy.

Qostanaı oblysyna qarasty Amangeldi aýdany jáne Arqalyq qalasynda arnaıy pýnktter men volonterlik shtabtar ashyldy. Kolledjder men joǵary oqý oryndary stýdentterinen 400-den astam erikti tartyldy.

Qazir eriktiler sýǵa ketýi múmkin aýlalardan qar shyǵaryp jatyr.