Evakýasııalaý sharalary áli jalǵasatyn sııaqty. О́ıtkeni, Ulytaý jaqtan kelip jatqan sýdyń aryny báseńder emes. Tasqyn sýdan zardap shekken halyqtyń birazy Arqalyq, Qostanaıdaǵy jaqyn týystarynyń úıine baryp turýdy qalaǵan. Qalǵandary bala-shaǵasymen birge Torǵaıdaǵy eki evakýsııa ortalyǵyn panalap otyr. Olarǵa aýdandyq jastar resýrstyq ortalyǵy janynan qurylǵan volonterler shtabynyń eriktileri quraq ushyp qyzmet kórsetip júr.
«Bizdiń eriktiler shtabynda 300-ge jaqyn volonter jumys istep jatyr. Keshe Astana, Pavlodar, Qostanaı qalasynan gýmanıtarlyq kómek keldi. Biz sony suryptap, rettep sý tasqynynan zardap shekken halyqqa taratyp berip jatyrmyz. Kólqamys, Kókalat aýyldarynan kelgen turǵyndar Torǵaıdaǵy Sh. Ýálıhanov atyndaǵy mektep-ınternatta, Jarkól aýylynyń turǵyndary jergilikti kolledj ǵımaratyna ornalasty. Munyń syrtynda, Dene shynyqtyrý-saýyqtyrý kesheninde 200 oryn daıyndap qoıdyq.
Qazir sol kisilerdi azyq-túlik, kıim-keshek, dári-dármekpen qamtamasyz etip jatyrmyz. Munyń syrtynda, tasqynnan qaýip tónip turǵan eldi mekenderge kúrek, qolǵap, qap, rezeńke etik, shulyq tasımyz. Ásirese, osy eldiń syrtta júrgen azamattarynyń kómegi zor. Bári jabylyp, kómek jiberip jatyr. Qazir bizde azyq-túlik jetkilikti, keregi - rezeńke etik, qolǵap», dedi aýdandyq jastar resýrstyq ortalyǵynyń dırektory Erlik Qýanyshuly.
