Foto: instagram.com/ sultankyzy
«Jazdyń aldynda kóktem bar… Sý basqan óńirlerden taraǵan vıdeolar jan túrshiktiredi. Qanshama myńdaǵan adam zardap shekti, qanshama myńdaǵan otbasyn shańyraǵynan aıyryldy, qansha dúnıeniń kúli kókke ushty. «Áttegen-aı» deıtindeı-aq bar. Qoldan jasap alǵan problema ǵoı. Shymshyq soıǵan qasapshy da aǵattyq jiberip tur. Halyqtyń qalaýy, pikiri, bılik ókilderiniń tapsyrmasy, qaýqary bas bolyp turǵanymen, moıynsyz (prezıdent) eshteńe isteı almaıdy ekenbiz… Iá, júrek, ýaıym bárimizde birdeı. Adambyz ǵoı… Tabıǵat apaty aıtyp kelmegenimen, qoldan jasalǵan problema ekenin siz ben biz jaqsy bilip otyrmyz. Árıne, kináliler ornyn bosatyp, birazy jaýapqa tartylady. Máseleniń aldyn almaǵannan keıin keıbir ákimder de sógis aldy. Osyndaı kezeńde qol ushyn sozyp, kómek berip, sbor ashyp jatqan qorlar, tulǵalar, belsendi halyq – kúshimiz birlikte ekenine taǵy bir dálel! Álemdi meıirim qutqarady», dep jazdy ol.
Láılá Sultanqyzy Prezıdent ózi qatań baqylaýǵa alǵan jaǵdaı sheshimsiz qalmaıtynyn eske saldy. Zardap shekken otbasylarǵa Úkimet tarapynan materıaldyq kómek kórsetiletinin de jetkizdi.
«Byltyr jazda bolǵan sý tapshylyǵy, bıylǵy apattyń kesiri endi qaıtalanbaıdy degen úmittemin», dep túıindedi ol.
