Dál qazir sot zalynda aıyptalýshy Qýandyq Bıshimbaev kýálik berip jatyr. Onyń aıtýynsha, 2023 jyldyń 8-9 qarashasyna deıin Bıshimbaev pen Núkenovanyń otbasylyq ómirinde óte kóp jaısyz jaǵdaılar bolǵan. Onyń kóbisi marqum áıeliniń turmys qurǵanǵa deıingi jeke ómirine baılanysty.
«Men ony burynǵy, maǵan deıingi ómiri úshin qyzǵanǵan joqpyn. Tek men sol úshin qatty uıaldym. Maǵan ýaqyt berýin suradym, ary qaraı ómirimiz qalaı bolatynyn, birge bola alamyz ba, joq pa, sony oılanýym kerek boldy. Sol úshin qarym-qatynasymyzdy ýaqytsha toqtata turýymyzdy suradym. Men oǵan ótkenniń bárin umytyp, jańa ómir bastaýdy da suradym. Sonda da ár 10 kún saıyn ol ózinen ózi ashýlanyp, urys-keris shyǵara beretin», deıdi áıelin óltirdi degen aıyp taǵylǵan eks-mınıstr.
Bıshimbaevtyń aıtýynsha, Saltanat kúıeýiniń otbasynan 8 ret emes, 12 ret ketip qalǵan. Oǵan da Núkenovanyń turaqsyz kóńil kúıi men agressııasy sebep bolǵan eken.
