Foto: aqmeshit-zhastary.kz
Aıta ketsek, óńirdegi sý qoımalary 69%-ǵa toldy.
«Búgingi kúni Shardara 93%-ǵa, Bógen 97,6%-ǵa, Qosqorǵan 97,3%-ǵa, Maıdantal 100%-ǵa, Yrmaq 91,98%-ǵa, Arystandy 91%-ǵa, Torlan 99%-ǵa toldy. Syrdarııa ózenindegi jaǵdaı qalypty. О́zbekstan aýmaǵynan sekýndyna 600 tekshe metrge jýyq sý kelip jatyr. О́zen boıyndaǵy eldi mekenderge qaýip tónip turǵan joq», dedi TJD baspasóz qyzmetiniń ókilderi.
Oblys aýmaǵynda sý tasqynynyń aldyn alý maqsatynda turaqty monıtorıng jumystary júrgizilip jatyr. Odan bólek azamattyq qorǵaý qyzmetteriniń kúshi men quraldary ázir tur.
Vedomstvo usynǵan aqparatqa sáıkes, óńirdegi 915 shaqyrymdy quraıtyn kanaldar men aryqtar, respýblıkalyq jáne jergilikti mańyzy bar joldardyń astyndaǵy kópirler mehanıkalyq tazartý jumystarynan ótken. Sondaı-aq 276 metr qorǵanys bógetteri salynyp, taǵy 509 metri nyǵaıtyldy.
