«О́skemen-Glýbokoe aýdany - Shemonaıha - Altaı qalasy jáne Rıdder qalasy - Úlken Naryn aýdany jáne Qaton-Qaraǵaı aýdany» baǵyty boıynsha ushyp ótý barysynda ózenderde muzdyń ashylýy baıqalady, sýdyń jaǵalaýdan shyǵýy baıqalmaıdy, bógeý qubylystary men jaǵalaý aýmaqtaryn sý basý baıqalmaıdy.
Joǵary atalǵan aýdandar boıynsha jaǵdaı turaqty. Kóktemgi kezeńdegi TJ aldyn alýǵa jáne joıýǵa 55 myń dana qap, 6000 tonnadan astam ınertti materıaldar, 406 tonna JJM daıyndaldy. Tehnıka men motopompalar ázirlikke keltirildi, evakýasııalyq pýnktter daıyndaldy, onda ýaqytsha bolý úshin jaǵdaı jasalǵan, qajetti sharttar jasalǵan. 368 myńnan astam tekshe metr sý shyǵaryldy. 448 km aryq pen 72 aryq, 447 kópir tazartyldy.
2024 jylǵy 1-2 sáýirde aýa temperatýrasynyń oń bolýyna baılanysty qardyń qarqyndy erýi, muz qubylystarynyń álsireýi kútiledi.
Sý tasqyny jaǵdaıy nasharlaǵan jaǵdaıda oblysta 2270 adam, 732 birlik tehnıka men 234 motopompa, 61 birlik júzý quraldary toptastyrylady. Turǵyn úılerdi sý basqan jaǵdaıda halyqty ornalastyrý úshin syıymdylyǵy 17 600 adamdy quraıtyn 153 ýaqytsha ornalastyrý pýnkti daıyndaldy.
Oblys aýmaǵyndaǵy qar jabyny búginde 70 paıyzdan asty.
