Foto: gov.kz/
Qujat 2025 jylǵa deıin uzartylyp, jańa is-sharalarmen tolyqtyrylmaq. Jańa sharalar kúzgi eginniń kókónis qorlaryn qalyptastyrýǵa, hımııa salasynda ınvestısııalyq jobalardy, jeńil ónerkásipte ımportty almastyratyn jobalardy iske asyrýǵa baǵyttalǵan. Sondaı-aq Shymkentte jylyjaı kesheni men kókónis qoımasyn, ShQO-da ósimdik maıyn óndirý zaýytyn, Almaty oblysynda et kombınatyn salýǵa, Qyzylorda oblysynda qarqyndy baqtar ósirýge, Qostanaı oblysynda aýyl sharýashylyǵy daqyldaryn sýarý júıesin ornatýǵa, t. b. qarastyrylǵan.
«О́zektendirilgen sharalar kesheninde árbir is-shara boıynsha nysanaly ındıkatorlar kózdeletin bolady. Tutastaı alǵanda, qujat taýarlar qataryn ulǵaıtý arqyly ınflıasııamen kúresýge baǵyttalǵan. Sondyqtan iske qosylǵan memlekettik organdardyń barlyǵy ishki naryqty qanyqtyrý úshin otandyq ónim óndirý kólemin ulǵaıtý jónindegi sharalardy kúsheıtýleri qajet», dep atap ótti Ulttyq ekonomıka vıse-mınıstri Tımýr Jaqsylyqov.
Keńeste jalpy sharalar kesheniniń jobasy maquldandy. Qujat aldaǵy ýaqytta qajetti kelisý rásimderi men bekitý úshin joldanady.
