Sot beınebaqylaý kamerasynan alynǵan kadrlardy zerdeleı kele, qyzdyń balany qorlap, arandatqany týraly qorytyndyǵa keldi.
Sot úkiminen belgili bolǵandaı, sol kúni altynshy synyp oqýshysy fızıka sabaǵyna bara jatqanda, ony jetinshi synyp oqýshysy men onyń dosy dálizde kútip alǵan. Jasóspirim qyz onyń syrtqy túri, kıgen kıimderi týraly kemsitetin sózder aıtqan, sonymen qatar rıýkzaktan sýsyn bótelkesin alyp qoıǵan.
Qyzdyń anasy atap ótkendeı, altynshy synyp oqýshysy ózin ádepsiz ustap, qyzyna ádepsiz qımyldar kórsetken, sol sebepti ol onyń ústinen muǵalimge shaǵymdanǵan.
Bir qyzyǵy, mekteptegi qaqtyǵysqa qatysýshylardyń ekeýi de oń baǵytta sıpattalady, biraq muǵalimder ul balany «keıde ımpýlsıvti» jáne tym sezimtal dep sanaıdy.
Nátıjesinde sot qyzdyń áreketi usaq buzaqylyqqa jatady degen qorytyndyǵa keldi. Anasy qyzyn tárbıeleý boıynsha óz mindetterin oryndamaǵany úshin kináli dep tanylyp, oǵan 51 688 teńge kóleminde ákimshilik aıyppul salyndy.
Eske sala keteıik, buǵan deıin jelide Pavlodar oblysynda aýdan ákiminiń uly oqýshy qyzdy soqqyǵa jyqqany týraly aqparat paıda bolǵan edi.
«Shynymen de, mundaı fakt bolǵan. Barlyǵyna aıtqym keledi, biz áleýmettik jelilerde paıda bolǵan árbir jaǵdaıdy muqııat tekserip, tıisti memlekettik organdarǵa mindetti túrde habarlaımyz. Osy fakti boıynsha tergeý júrip jatyr, soǵan sáıkes tıisti sharalar qabyldanady», dedi vıse-mınıstr Edil Ospan.
Balalardyń quqyqtaryn qorǵaý komıteti tóraǵasynyń orynbasary Iýlııa Ovechkına óz kezeginde balanyń ata-anasyn ákimshilik jaýapkershilikke tartý boıynsha jıyn ótkizilgenin aıtty.
