Foto: Mádenıet jáne aqparat mınıstrligi
Respýblıkalyq konkýrs mádenı muramyzdy saqtaý, qaıta jańǵyrtý, qoǵamdaǵy rýhanı qundylyqtardy nyǵaıtý, óskeleń urpaqty adamgershilik pen patrıottyqqa tárbıeleıtin jańa týyndylar avtorlaryn qoldaý maqsatynda ótkiziledi.
Konkýrs 5 nomınasııa boıynsha 15 syılyqty qamtıdy: «Úzdik folklorlyq mýzyka», «Úzdik klassıkalyq mýzyka», «Úzdik dramatýrgııalyq týyndy», «Úzdik mýzykalyq-teatrlyq janr týyndysy», «Respýblıka áni» (Estrada janry), Mádenıet jáne aqparat mınıstrliginiń eki arnaıy júldesi qarastyrylǵan.
Jeńimpazdar men laýreattardy jabyq tártip boıynsha arnaıy qurylǵan qazylar alqasy anyqtaıdy. Onyń quramyna Qazaqstannyń belgili mádenıet jáne óner qaıratkerleri kirdi.
Konkýrsqa sońǵy eki jylda jazylyp, kópshilik aldynda jarııalanbaǵan kompozıtorlar men jazýshylardyń shyǵarmalary qabyldanady. Joba kópshilik qaýymǵa zamanaýı ónerdegi jańa esimderdi tanystyrmaq.
О́tinish qaǵaz túrinde 2024 jylǵy 1 sáýirden 1 qazanǵa deıin, Astana qalasy, Qalıbek Qýanyshbaev kóshesi 8/1, №229 kabınet mekenjaıy boıynsha qabyldanady.
Jeńimpazdar 2024 jyldyń qazan aıynda marapattalady. Konkýrsqa qatysty qosymsha aqparatty Mádenıet jáne aqparat mınıstrliginiń saıtynan alýǵa bolady.
